Monday, April 16, 2012

အင်္ဂလန် နိုင်ငံဆိုင်ရာ မြန်မာသံအမတ်ကြီး လန်ဒန် သင်္ကြန်ပွဲသို.တက်ရောက်

..                                                                                                           ကောင်းမြတ်သူ (မူဝါဒရေးရာဌာန)


သံအမတ်ကြီးတစ်ယောက် သင်္ကြန်ပွဲတစ်ခုသို. တက်ရောက်သည်မှာ ထူးဆန်းသောကိစ္စတစ်ခုတော့မဟုတ်ပါ ချေ။ ထူးဆန်းသွားရသည့် အကြောင်းရင်း က လန်ဒန်သင်္ကြန်ပွဲကို နိုင်ငံရေးလောက အတိုက်အခံများက ကျင်း ပ သောကြောင့်ဖြစ်ပါ၏။ ပြည်ပရှိအတိုက်အခံ များနှင့် ဦးသိန်းစိန် အစိုးရအကြား နားလည်မှု နှင့် ယုံ ကြည် မှု ပြသသည့် သဘောဖြစ်ပါတယ်လို.သံအမတ်ကြီးက တင်ပြခဲ့၏။

သင်္ကြန်ပွဲတော်သို. တက်ရောက်သောပရိသတ်များက ယခုနှစ်တွင် ထူးထူးကဲကဲများပြားလှသည်။ ပွဲတော်အား တာဝန်ယူကျင်းပပေးသော ဆရာတော် ဦးဥတ္တရ ကလည်း ပွဲတော်ဖြစ်မြောက်ရေး အတွက် လပေါင်းများစွာ ပြင်ဆင်ခဲ့ရသည်။ ယခုနှစ်ပွဲတော်တွင် မြန်မာ့ရိုးရာ ဆိုင်းဝိုင်းဖြင့်လည်း ဧည့်ခံနိုင်ခဲ့သည်။ ကံအားလျှော်စွာဖြင့် အမေရိက မှ မြန်မာ လူမျိုး ဆိုင်းဆရာ ရွားစားကျော်တစ်ဦးကလည်း ရောက်ရှိလာသဖြင့် လန်ဒန် မြို့ကြီးတွင် ဆိုင်းသံ တညံညံဖြစ်ခွင့်ရခဲ့သည်။

ဆိုင်းဝိုင်း အစုံ မှာလည်း ဆရာတော်ဦးဥတ္တရ မှ အခါအခွင့်သင့်လျှင် မြန်မာ မူမြန်မာဟန်ကို တင် ပြရရန်ဟူသော ရည်ရွယ်ချက်ဖြင့် လွန်ခဲ့သော နှစ်ပေါင်းများစွာကထဲက မြန်မာနိုင်ငံမှ မှာ၍ ၀ယ်ယူထားခြင်း ဖြစ်၏။ ကံကောင်းစွာဖြင့် ရွာစားကျော်တစ်ဦးလည်း အချိန်ကိုက်ရောက်လာသည်နှင့် တိုက်ဆိုင်သောကြောင့်  ဆရာတော်စုဆောင်းထားသော ဆိုင်းဝိုင်းလည်း အသက်ဝင်လှုပ်ရှားခဲ့ရသည်။ ဆရာတော်ဦးဥတ္တရမှလည်း သမ္မတကြီး ဦးသိန်းစိန်အား ငြိမ်းချမ်း ရေးဆုတံဆိပ် ချီးမြင့် ခဲ့၏။ အမှန်တော့ ဆရာတော်ဦးဥတ္တရသည်လည်း ပြည်ပ သာသနာပြုလုပ်ငန်း များနှင့် သက်ဆိုင်သော ပြည်ပသာသနာပြု ဆိုင်ရာ အတွက်  နိုင်ငံတော်မှ ဆက်ကပ်လေ့ရှိသည့် ဘွဲ့ထူး ဂုဏ်ထူတော်များနှင့် ထိုက်တန်သော ဆရာတော်တစ် ပါးဖြစ်ပါ၏။ ဆရာတော်ဦးဥတ္တရ အားလည်း နိုင်ငံတော်မှာ ပြည်ပ သာသနာပြုဆိုင်ရာဘွဲ့ထူး ဂုဏ်ထူး များ ဆက်ကပ်ဖို့လိုလေပြီ။

သံအမတ်ကြီး ရောက်လာသည်ဟု ကြားသိရပါသဖြင့် ကျွန်ုပ် နိုင်ငံရေး သမားဖြစ်သူကလည်း သံ အမတ်ကြီး အား သွားရောက်နှုတ်ဆက်ခဲ့ပါ၏။ ထိုသို.တွေ့ဆုံစဉ်တွင် ကျွန်ုပ်၏ မြန်မာပြည်တွင်း ပြန်မည့် မူဝါဒအားလည်း တင်ပြခဲ့ပါသည်။ အင်္ဂလန် အပါအ၀င် နော်ဝေ နိုင်ငံများတွင် လည်း မြန်မာပြည်သူ ပြန်မည့် သူ များရှိပါကြောင်း။ သံအမတ်ကြီး အနေဖြင့် မည်သို့မည်ပုံဆောင်ရွက်နိုင်မည်လည်း ဟု မေးမြန်းနိုင်ခဲ့ပါ သည်။

သံအမတ်ကြီးမှ မိမိအနေဖြင့် မြန်မာပြည်သို့ ပြန်လိုသူများအတွက် အတတ်နိုင်ဆုံးစီစဉ်ဆောင်ရွက်ပေး မည်ဟု စာရေးသူအား ဂတိပေးပြောကြားခဲ့ပါသည်။ အင်္ဂလန်ဆိုင်ရာ မြန်မာသံအမတ်ကြီးအနေဖြင့် နော်ဝေ နှင့် ဆွီဒင် နိုင်ငံများအတွက် ပါ ပူးတွဲ တာဝန်ယူရသည်ဖြစ်၍။ ၎င်းနိုင်ငံများတွင် နေထိုင်သော မြန်မာများ ပြည်တော်ပြန်နိုင်ရေးအတွက်လည်း အင်္ဂလန် နိုင်ငံဆိုင်ရာ မြန်မာသံရုံးမှပင်တာဝန်ယူ ဆောင်ရွက်ပေးရ မည်ဖြစ်ကြောင်း သိရပါသည်။

ထူးဆန်းသည်တစ်ခုလည်း ရှိခဲ့ပါသည်။ သင်္ကြန်ပွဲတော်တွင် ဘီဘီစီမှ ဌာနမှုးအပါဝင် ၀ိုင်းတော်သား ၁၀ ဦးခန့် တက်ရောက်ခဲ့သော်လည်း သံအမတ်ကြီး အား သွားရောက်တွေ့ဆုံ၍ သတင်းယူခြင်း မပြုခြင်းဖြစ် ပါ၏။ ၎င်းတို့ အနေဖြင့် မမျှော်လင့်ပဲရုတ်တရက်တွေ့ဆုံလိုက်သည်ဖြစ်၍ ဘာလုပ်ရမှန်း မသိဖြစ်သွားပုံရ ပေသည်။ အမှန်တော့ ဘီဘီစီ ဌာနမှုး အပါအ၀င် သတင်းသမားများ ၁၀ ယောက်ခန့်တို့  အနေဖြင့် သတင်း ရှိရာနေရာတွင် သတင်း မယူနိုင်ခြင်းက တစ်စုံတစ်ရာလွဲချော် မှုတစ်ခုသာဖြစ်၏။

သံရုံး နှင့် နီးစပ်သော အသိုင်းအ၀ိုင်းမှ သိရသည်မှာ ယခုသင်္ကြန်ပွဲတော်သို့ သံအမတ်ကြီးလာရောက်ခြင်း သည် နေပြည်တော်သို့ ခွင့်ပြုချက်မတောင်းပဲလာရောက်ခြင်းဖြစ်ပြီး အကယ်၍ သက်ဆိုင်ရာမှ အရေးယူ ခဲ့လျှင်လည်း ခံရမည်ဖြစ်ကြောင်း ဖြစ်သည်။ အကယ်၍ များ ထိုသို့ဖြစ်လာခဲ့လျှင် သမ္မကြီးသို့ ကျွန်ုပ်တို့ မှ အရေးဆိုမည်ဖြစ်ကြောင်း လည်း စာရေးသူမှ ဂတိပြုခဲ့ပါသည်။

သံအမတ်ကြီးဆိုသည်မှာ သမ္မတကြီးအားကိုယ်စားပြုလာရသူဖြစ်သည့် အတွက် ကျွန်ုပ်တို့အနေဖြင့် သမ္မတကြီး ဦးသိန်းစိန် နှင့် တွေ့ဆုံရသကဲ့သို့ သဘောထား ရပါသည်။ သံအမတ်ကြီးနှင့် ရုံးအဖွဲ့ မှ အတိုက်အခံမြန်မာ များအနေဖြင့် ပြည်တော်ပြန်ရေးအတွက် သံရုံးသို့ အချိန်မရွေး လာရောက်ဆက်သွယ် နိုင်ကြောင်း အထပ်ထပ် မှာကြားပါသည်။

မည်သို့ပင်ဖြစ်စေ ပြည်တွင်းငြိမ်းချမ်းရေးအတွက်ဆိုလျှင် ပြည်ပ နိုင်ငံအသီးသီတွင် ရောက်ရှိနေကြသော အတိုင်အခံ နိုင်ငံရေးလှုပ်ရှားသူများ ပြန်တော်ပြန်နိုင်ရေးသည်လည်း တစ်ခု အပါအ၀င်ဖြစ်ရပေမည်။ နယ်စပ်မှ အတိုက်အခံ တော်တော်များများကတော့ ရန်ကုန် နှင့်သွားလိုက်ပြန်လိုက် လုပ်နေကြလေပြီ။ ပြည်ပရှိမြန်မာ များ ပြည်တော်ပြန်နိုင်ရေးသည်လည်း ငြိမ်းခြမ်းရေးလုပ်ငန်းစဉ်များတွင် တစ်ခု အပါအ၀င်ဖြစ်သင့် ၏။ နိုင်ငံတကာ ရောက်မြန်မာများဆိုသည်မှာ တိုင်းပြည်အတွက် အလွန်အရေး ကြီးသော လူသား အရင်း အမြစ်များဖြစ်ကြ၏။ နှစ်ပေါင်း များစွာ နိုင်ငံတကာ အတွေ့ အကြုံရှိသော လူသားအရင်း အမြစ်များ မဆုံးရှုံးစေရေးအတွက် ကျွန်ုပ်တို့အားလုံးဝိုင်းဝန်းကြိုးပမ်းကြရပေမည်။

ပြည်ပရောက်မြန်မာများ ပြည်တော်ပြန်နိုင်ရေးမှာလည်း လွယ်မယောင်နှင့်ခက်သောကိစ္စဖြစ်လေ၏။ သမ္မတ အနေဖြင့် လွတ်တော်တွင် ပြည်ပရောက် မြန်မာများ ပြန်လာရေးအတွက်  မိန့်ခွန်းအဖြစ် သာ တင်ပြခြင်း ဖြစ်သော်လည်း လက်တွေ့တွင် လုပ်ထုံးလုပ်နည်း တစ်ခုဖြစ်မလာသေး၍ ဖြစ်ပါ၏။ မြန်မာ နိုင်ငံသား မဟုတ်တော့ သော အခြား နိုင်ငံသား ခံယူပြီးသူများအတွက် ဗီစာဖြင့် ၀င်ခွင့်ပြုနိုင် သော်လည်း TRAVEL DOCUMENT ကိုင်ဆောင်ထားသော နိုင်ငံခြားသား မဟုတ်သူ မြန်မာများ အတွက် ဘာလုပ်ရမှန်း မသိဖြစ်နေကြ၏။ အမှန်တော့ Travel Document ဆိုသည် မှာ ပြည်ပ နိုင်ငံ၏ နိုင်ငံသား နိုင်ငံကူးလက်မှတ်မဟုတ် သဖြင့် ထိုသူများအား မြန်မာ Passport ထုပ်ပေး၍ ရပါသည်။ ထုပ်ပေး၍ မရနိုင် ဟု ဆင်ခြေပေးလျှင်လည်း ဖြစ်နိုင်ပါ၏။ အပြည်ပြည်ဆိုင်ရာ လုပ်ထုံးလုပ်နည်း များအရသော်၎င်း လူဝင်မှု ကြီးကြပ်ရေး ဥပဒေ များ အရသော်၎င်း Travel Document ကိုင်ဆောင် သူအား မြန်မာနိုင်ငံကူးလက်မှတ် ထုတ်ပေးခြင်း မှာ မဖြစ်နိုင်ဟု ကောက်ချက်ဆွဲလျှင်လည်း ဖြစ်နိုင်ပါ၏။

မည်သို့ပင် ဖြစ်စေ အတိုက်အခံများ ပြည်တော်ပြန်ရေးကိစ္စမှာ နိုင်ငံရေး ပြဿနာသာလျှင် ဖြစ်၍ လူဝင် မှု ကြီးကြပ်ရေး ပြဿနာအဖြစ် အတားအဆီး များ ပြုလုပ်မည်ဆိုလျှင် အခက်အခဲများ ရှိနေဦးမည်ဖြစ်၏။ အစိုးရနှင့် လွတ်တော်အနေဖြင့် မြန်မာအတိုက်အခံများ ပြည်တော်ပြန်ရေးကိစ္စတွင် Travel Document ကိုင်ဆောင်သူများ အတွက် မြန်မာနိုင်ငံကူးလက်မှတ်ထုပ်ပေး လိုက်လျှင် အကောင်းဆုံးနှင့် အလွယ်ကူ ဆုံး ပြေလည်မည်သာလျှင်ဖြစ်၏။ Travel Document ဆိုသည်မှာ သက်ဆိုင်ရာနိုင်ငံတွင် အမြဲတန်း အခြေချနေထိုင်ခွင့်သာလျှင်ဖြစ်၏။  Travel Document ကိုင်ဆောင်သူများအား နိုင်ငံသားအဖြစ် အသိအ မှတ်ပြု၍ နိုင်ငံကူးလက်မှတ် မထုတ်ပေးခဲ့လျှင် ထိုသူများ အနေဖြင့် နိုင်ငံခြားသား အဖြစ် ပြောင်းလဲခံယူ ၍ မြန်မာပြည်သို့ ဗီစာဖြင့် ၀င်ရောက်ရပေလိမ့်မည်။ ထိုအခါ ထိုသူများ၏ လူသားအရင်းအမြစ်ကို လည်း ရယူ နိုင်ဖို့ ခက်ခဲသွားပေလိမ့်မည်။

အရေးကြီးသည့်ကိစ္စမှာ နိုင်ငံရေးပြဿနာတစ်ရပ်ကို တည်ဆဲဥပဒေ တစ်ရပ်၏ လုပ်ထုံးလုပ်နည်း အရသော် ၎င်း၊ သက်ဆိုင်ရာဌာန၏ ဌာနတွင်း လုပ်ထုံးလုပ်နည်း များနှင့်သော်၎င်း ရေးထွေး၍ မစဉ်းစား မိဖို.သာလျှင်ဖြစ်၏။ လက်နက်ကိုင် သူပုန်တစ်ဦး အတွက် သေဒဏ်ထိုက်သော အမှုကို ကျူးလွန်သည့် တိုင် အောင် နိုင်ငံရေးပြဿနာဖြစ်သည့် အတွက် သမ္မတက ပင်လက်ခံတွေ့ဆုံနိုင်သော် လည်း၊ အခြားသော နိုင်ငံရေးလှုပ်ရှားတက်ကြွသူ များအတွက် ကြတော့ လူဝင်မှုဥပဒေ အရ နိုင်ငံကူးလက်မှတ် မထုပ်ပေးနိုင်ပါ ဟူသောဆင်ခြေက ပြဿနာကိုဖြေရှင်းသည့် နည်းလမ်းမဟုတ်နိုင်ချေ။ ထိုသူများ အတွက် မြန်မာနိုင်ငံကူး လက်မှတ်ထုပ်ပေးလိုက်ပါဟု သမ္မတက စာတစ်ကြောင်းရေးခဲ့လျှင် တိုတိုတုတ်တုတ်နှင့် ငြိမ်းချမ်းသွားမည် ဖြစ်ပါ၏။

မည်သို့ပင်ဖြစ်စေ မြန်မာသံအမတ်ကြီး ၂၀၁၂ ဧပြီလ လန်ဒန်သင်္ကြန် တက်ရောက်ခဲ့သည့် အတွက် ကျွန်ုပ်တို့မှ ကြိုဆိုလိုက်ပါ၏။ ပွဲတော်သို့ တက်ရောက်လာသော ဆန္ဒရင်းဖြစ်သည့် အစိုးရနှင့် မြန်မာအတိုက်အခံများ အကြားပြေလည်စေရေးဆိုသည့် ကိစ္စသည်လည်း အောင်မြင်ပါစေဟု ဆန္ဒပြုလိုက်ပါသည်။ နောက်တွင် ကျင်းပ မည့် မြန်မာပွဲတော်များသို့လည်း သံအမတ်ကြီးနှင့် တကွ သံရုံးမိသားစု အားလုံးသို့ပါ မိမိတို့မှ မပျက်မကွက် ဖိတ်ကြားသွားမည်ဟုလည်း သိစေအပ်ပါသည်။ ထို့အတူ သံရုံး မှကျင်းပလေ့ရှိသော မြန်မာ့ ရိုးရာ အခမ်းအနားများသို့လည်း မြန်မာ အတိုက် အခံနိုင်ငံသားတို့အားဖိတ်ကြားရန် လိုအပ်မည်ဟု ထင်ပါ သည်။ နိုင်ငံရေး ပြဿ နာဆိုသည်မှာ သဘောမတူလျှင် ရန်သူ ဖြစ်တတ်သော်လည်း၊ သဘောတိုက်ဆိုင်ကြပါက အရင်းနှီးဆုံးမိတ်ဆွေများသာလျှင်ဖြစ်၏။




..









No comments: