ပြည်တွင်းစစ်အတွက် တိုက်လေများသုံးစွဲခြင်းအား ကန်.ကွက်သွားမည်

...

 

 

 

မြန်မာစစ်တပ် တိုက်လေယာဉ် ၄ စင်း SSPP/SSA ထိန်းချုပ်နယ်မြေအထက် ပျံဝဲ

ကြာသပတေးနေ့၊ သြဂုတ်လ 11 ရက် 2011 ခုနှစ် မွေခေါဝ် သတင်း - သျှမ်းသံတော်ဆင့်သတင်း

မြန်မာစစ်တပ်မှ တိုက်လေယာဉ် ၄ စင်းသျှမ်းပြည် တိုးတက်ရေးပါတီ/သျှမ်းပြည်တပ်မတော်(SSPP/ SSA) ထိန်းချုပ် နယ်မြေအထက်သန်းခေါင်ယံကျော် အချိန် လာရောက်ပျံဝဲကြောင်း သိရှိရပါသည်။

“ပြီးခဲ့တဲ့လက နမ့်ပုတ်မှာ ပျံဖူးတဲ့ လေယာဉ်လိုဘဲ။ ၄ စင်းစလုံး နိမ့်နိမ့်လေးဘဲ ပျံတယ်။ တစင်းက အရမ်းနိမ့်လို့ သစ်ပင်ဖျား တွေတောင် ထိတော့မယ်။ နှစ်စင်းက မီးထွန်းတယ်။ နှစ်စင်းက မီးမထွန်းဘူး။ ကျနော်တို့ရွာသား တွေလဲ သူတို့ဗုံးလာကြဲမှာ စိုးလို့ ကျင်းတွေထဲမှာ ချက်ချင်း သွားပုန်းနေကြတယ်။ တနေကုန် ကျင်းထဲမှာဘဲ ပုန်းအောင်းနေကြတယ်။ အပြင်မထွက်ရဲ ဘူး” ဟု ကျေးသီးမြို့နယ် ဝန်ထမ်းအသိုင်းအဝိုင်းက ပြောပါသည်။

နမ့်ပုတ်တပ်စခန်းအထက် ပျံဝဲလာသော MIG 29 တိုက်လေယာဉ်

သြဂတ်လ ၉ ရက် နံနက် ၁း၁၆ နာရီခန့် မြန်မာစစ်တပ်မှ တိုက်လေယာဉ် ၄ စင်း မိုင်းနောင်မြို့နယ်ကို ဖြတ်ကျော်ကာ SSPP/SSA ထိန်းချုပ်နယ်မြေဖြစ်သော ကျေးသီးမြို့နယ် ဝမ့်ဝ၊ ဝမ့်မိတ်၊ ဝမ့်ဝပ်ကျေးရွာအုပ်စု (မိုင်းရှူး-မိုင်းရယ် ကားလမ်း အနောက်ဘက်)၊ နမ့်ပုတ်တပ်စခန်းနှင့် လွယ်ကုန်-လွယ်ကဲန်း(အနီး) ပျံဝဲကြောင်း၊ တောင်ဘက်စူးစူးမှလာ၍ လာသည့် လမ်းကြောင်းအတိုင်း ပြန်သွားကြောင်း ဆို၏။

“အမှန်တော့ သျှမ်းပြည်တပ်မတော် ကြောက်အောင် လာခြောက်တဲ့ သဘောပါ။ ပြည်သူကတော့ ကြောက်လို့ အိမ်ပြင် မထွက်ရဲကြဘူး။ လယ်ထဲမဆင်းရဲ၊ အလုပ်လဲ သွားမလုပ်ရဲကြဘူးပေါ့” ဟု သျှမ်းပြည်တပ်မတော်မှ ပြောရေးဆိုခွင့်ရှိသူ ဗိုလ်မှူးစိုင်းလှ က ပြောပါသည်။

ဂျူလိုင် ၁၃ ရက် ကျေးသီးမြို့နယ်အတွင်းရှိ နမ့်ပုတ်တပ်စခန်း၌ မြန်မာစစ်တပ်နှင့်သျှမ်းပြည်တပ်မတော်တို့ အကြား တိုက် ပွဲပြင်းထန်းနေစဉ် နမ့်ဇန်လေယာဉ်ကွင်းမှ ရှရှားလုပ် MIG 29 တိုက်လေယာဉ်တစ်စင်းနမ့်ပုတ် တပ်စခန်း အထက် ၃ ခေါက်ခန့် ပျံဝဲခဲ့ဖူးသည်။

 

 

 

..