Saturday, July 31, 2010

ပြည်ပရောက်မြန်မာအလုပ်သမားများအရေးကြိုးပမ်းမည်



နိုင်ငံတကာရောက်မြန်မာအလုပ်သမားများ
 အခွန်ကင်းလွတ်ခွင့်ရရှိရေးကြိုးပမ်းသွားမည်

                                                                   
          နိုင်ငံတကာတွင် ပင်ပန်းဆင်းရဲစွာ အလုပ်လုပ်ကိုင်လျှက်ရှိ သော မြန်မာနိုင်ငံသားများ၏ အရေးကိစ္စအတွက် ကြိုးပမ်းသွားမည်ဖြစ် သည်။ နိုင်ငံတကာတွင်အလုပ်လုပ်ကိုင်လျှက်ရှိသော မြန်မာအလုပ်သ မားများမှာ (၃)သန်းကျော်ခန့်ရှိမည်ဟု ခန့်မှန်းသိရှိရပြီး ၉၀%မှာလုပ်ငန်း ခွင်ရလာဒ်များနှင့်ပတ်သက်၍ အမြဲတန်း စိုးရိမ်ဖွယ်ရာအခြေအနေတွင် သာလှုပ် ရှားရုံးကန်နေရသည်ဟုသိရှိရပါသည်။ သို့ဖြစ်၍ ကျွန်ုပ်တို့ အနေဖြင့် ကောက်ယူရရှိသောစစ်တမ်းများ အချက်အလက်များအရ အောက်ဖေါ်ပြပါ အခွင့်အရေးများအတွက်ကြိုးပမ်းသွားမည်ဖြစ်ပါသည်။

-သံရုံးနှင့်သက်ဆိုင်ရာ အခွန်ရုံးများတွင်အခွန်ဆောင်ရမှုမှကင်းလွတ်ခွင့်။

- နိုင်ငံကူးလက်မှတ် လွတ်လပ်စွာ သက်တမ်းတိုးခွင့်၊ လဲလှယ်ခွင့်။

-မိမိရှာဖွေရရှိသော နိုင်ငံခြားငွေဖြင့် တစ်နိုင်တစ်ပိုင်ကုန်ပစ္စည်းဝယ်ယူခွင့်။

-မိသားစုထံသို့လွတ်လပ်စွာငွေလွှဲခွင့်။

        
          နိုင်ငံသားများသည် ပြည်ပအလုပ်အကိုင် အခွင့်အလမ်းများအ တွက်ကျပ်ငွေသိန်းပေါင်းများစွာသုံးစွဲကြရသည်။ ထိုသို့သွားရောက် နိုင်ရေးအတွက် နည်းအမျိုးမျိုးဖြင့် အကုန်အကျ ခံကြရပါသည်။ အချို့တတ်နိုင်သူများ သည်လည်း ငွေလုံးငွေရင်း ပေးချေ ခြင်းဖြင့် အ ကုန် ခံကြသကဲ့သို့ အချို့သည်အရစ်ကျဖြင့်၎င်း၊ သက်ဆိုင် ရာလုပ် ငန်းခွင် တွင်နှစ်အကန့်အ သတ်ဖြင့်လုပ်ခ နည်းပါးစွာယူ၍ လုပ်အား ဖြင့်၎င်း  ပေးဆပ်ကြရပါသည်။

           ကျွန်ုပ်တို့လေ့လာသိရှိမိသမျှ နိုင်ငံတကာတွင်အလုပ်ရှာဖွေ ရင်း ဘ၀ပျက်သွားသူများစွာတို့အကြောင်းကို လေ့လာသိရှိရ၏။ ဘ၀ပျက်ပုံ ပျက်နည်းများ မျိုးစုံအောင်ရှိသော်လည်း နိုင်ငံတော်မှ ချမှတ်ထားသော မူဝါဒများ၏ အား နည်းချက် ကြောင့်တော့ နိုင်ငံသားများဘ၀မပျက်သင့်ဟု ကျွန်ုပ်တို့က ခံယူပါသည်။

          နိုင်ငံတကာသို့သွားရောက်အလုပ်လုပ်ကြသူများသည် အလုပ် အကိုင်အခွင့်အလမ်းများ အတွက် ဒေါ်လာငွေ ၃၀၀၀ မှ ၃၀၀၀၀ အထိ ကုန်ကျစရိတ် ရှိရသည်။အလုပ်အကိုင်အခွင့်အလမ်းကောင်းပါမှ၂နှစ်အ တွင်းရင်းစားပြန်ရသောပမာဏဖြစ်၏။ အလုပ်အကိုင်အခွင့်အ လမ်း မကောင်းသူတို့မှာ ၃ နှစ်မှ ၅ နှစ်အထိ လုပ်အားပေးဆပ်ရတတ် ပါသည်။ သို့ရာတွင် သံရုံးသို့အခွန်ပေးဆောင်ခြင်းကတော့ပုံမှန် ဆောင်ရွက်ကြရသည်။ အခွန်မပေးနိုင်၍ နိုင်ငံကူးလက်မှတ်သက်တမ်း မတိုးနိုင်ဖြစ်ပြီး ပြည်တော်ပြန်ရသူများ အရေအတွက်သည်လည်း လွန် စွာများပြားလာသည်ကို လေ့လာတွေ့ရှိရပါသည်။

          အချို့သောပြဿနာများမှာ အခွန်ပေးဆောင်နိုင်ခြင်း မရှိသဖြင့် သက်ဆိုင်ရာနိုင်ငံတွင် နိုင်ငံသားခံယူသော အဖြစ် အပျက်များဖြစ်၏။ ထို အခါယောက်ျားက နိုင်ငံခြားသား၊ ရန်ကုန် ရှိမိန်းမက မြန်မာ နိုင်ငံသား ဖြစ်ပြီး ရှုပ်ထွေးသော လူမှုရေး ပြဿနာများပါ ၀င်ရောက်လာကြတော့ သည်။ စစ်တမ်းကောက် ယူခြင်းတိကျစွာ မလုပ်နိုင်သေးသော်လည်း စင်္ကာပူနိုင်ငံတွင် ထောင်ပေါင်း များစွာ သော မြန်မာပြည်သူများ နိုင်ငံသား ခံယူပြီးဖြစ် သည်ဟုသိရပါသည်။ စင်္ကာ ပူသည် ပညာတတ်များနှင့် အ လုပ်အ ကိုင် အတည်တကျ ရှိသူများကိုသာ နိုင်ငံသားပေးလေ့ရှိသဖြင့် တိုင်း ပြည်အ တွက် ပညာ တတ် များ ဆုံးရှုံးနေသည်မှာလည်း စိုးရိမ် ဖွယ်ရာဖြစ် ၏။

          နိုင်ငံကူးလက်မှတ်သက်တမ်းတိုးမှု ကြန့်ကြာခြင်းများကြောင့် ခွင့်နှင့်ပြန်လာသောအလုပ်သမားများ ခွင့်ရက် ကျော်လွန်၍ လုပ် ငန်း ခွင် အချိန်မီမပြန်နိုင် ဖြစ်ပြီးအလုပ်ပြုတ်ကာ ဘ၀ပျက်ရသည် များ လွန်စွာများ ပြားလှပြီဖြစ်ပါသည်။

          ကမ္ဘာ့စီးပွားပျက် ကပ်များကြောင့် နိုင်ငံတကာတွင်လည်း အလုပ်အကိုင်အခွင့်အလမ်း နည်းပါးနေ၍ မြန်မာအလုပ်သမားများမှာ ပင်ပန်းဆင်းရဲသော၊ လစာငွေအလွန်နည်းသော လုပ်ငန်းများတွင်သာ အလုပ်လုပ်ကိုင်ရလေ့ရှိသဖြင့် ၀င်ငွေနှင့်ထွက်ငွေ မျှတအောင် အလွန်ချိုးခြံစွာ သုံးစွဲရလေ့ ရှိပါ သည်။

          လုပ်ငန်းခွင်မတော်တဆဖြစ်လျှင်သော်၎င်း၊ ကျန်းမာရေးကိစ္စ များဖြစ်လျှင်သော်၎င်း၊ အကြောင်းအမျိုးမျိုးကြောင့် အလုပ်ပြုတ်လျှင် သော်၎င်း မိမိရှာဖွေသမျှ ကုန်ဆုံး၍ ဒုက္ခမျိုးစုံရောက်ကြရ၏။

          နိုင်ငံကူးလက်မှတ်သက်တမ်းမတိုးနိုင်၍ သက်ဆိုင်ရာနိုင်ငံတို့ တွင် တရားမ၀င်နေထိုင်မှုများပြားလာခြင်း တရားမ၀င်နယ်စပ်ဖြတ် ကျော်မှု များပြားလာခြင်းတို့ကလည်း  မြန်မာ့လူ့အဖွဲ့အစည်း၏ ဂုဏ်သိက္ခာကို များစွာကျဆင်းစေ၏။ ပြည်ပတွင်အ လုပ်လုပ်ကိုင်နေကြသော အလုပ်သမားများအနက်  မြန်မာ အမျိုးသမီး ငယ်များ၏ အရေအတွက်သည် လျှင်မြန်စွာများပြားလာ၏။ အမျိုးသမီးတို့၏ ခံစားရသော ဒုက္ခများ ပိုမို၍ များပြားလာ သည်ကို လည်း ကျွန်ုပ်တို့လေ့လာသိရှိရပါသည်။

      ပြည်ပရောက် မြန်မာပြည်သူများ ခံစားနေရသောဒုက္ခများကို ကျွန်ုပ်တို့အနေဖြင့်ထိရောက်စွာ ကြိုးပမ်းဆောင်ရွက်နိုင်ရန် ပြည်ပ ရောက်မြန်မာများ၏ ထောက်ခံမှုနှင့် ဆန္ဒသဘောထားများ ပေးပို့မှုတို့ကကြီးမားသော အထောက်အကူ ဖြစ်စေနိုင်ပါသည်။ ကျွန်ုပ်တို့လုပ်ဆောင်ရမည့်လုပ်ငန်း မှာ ကြေညာချက်ထုတ်ရုံ ဆန္ဒသ ဘောထားများကောက်ခံ၍ တင်ပြရုံထက် ပိုမိုသော လက်တွေ့ကျသည့်   ပြုပြင် ပြောင်းလဲမှုများ၊ သိသာ သည့်ရလာဒ်များ အမှန်တ ကယ်ပေါ် ပေါက် လာအောင် ဆောင်ရွက်မည် ဖြစ်ပါသည်။

          ပြည်သူများမှ ကျွန်ုပ်တို့၏ စစ်တမ်းကောက်ယူမှုစာမျက်နှာ တွင် သဘောထားများပေးပို့ခြင်း၊ အီးမေးဖြင့်ဖြစ်စေ ၊ ရန်ကုန်ရှိကျွန်ုပ် တို၏ပါတီရုံးခန်းသိုဖြစ်စေသဘောထားများပေးပိုအားဖြည့်ခြင်း ဖြင့်ပြည်ပရောက်မြန်မာ အလုပ်သမားများ၏ အရေး ပိုမိုထိ ရောက်စွာ ဆောင်ရွက် နိုင်မည်ဖြစ် ပါသည်။ ပြည်သူများ၏ ထောက် ခံမှုနှင့် သဘောထားများ ရရှိမှသာ ကျွန်ုပ်တို့အနေဖြင့် ရဲဝံ့စွာ တိုက်ပွဲဝင်နိုင် မည်ဖြစ်ပါကြောင်း။

 ကောင်းမြတ်သူ
(မူဝါဒရေးရာဌာန)







Thursday, July 29, 2010

ရွေးကောက်ပွဲ ၀င်နိုင်ငံရေး ပြဿနာများ (၃)



ခက်ခဲသောမူဝါဒများကိုချမှတ်ခြင်း    (ကောင်းမြတ်သူ)



          ဒီမိုကရေစီ၏ အနှစ်သာရများအနက်တစ်ခုမှာ ပြောရေးဆိုခွင့်ဖြစ် ၏။ ပြောရေးဆိုခွင့်ကိုအကျယ်ချဲ့လျှင်တော့များစွာ ဆင့်ပွားလာနိုင်စရာ အကြောင်းရှိပါသည်။ သတင်းစာလွတ်လပ်ခွင့်ဆိုသည်မှာလည်းပြော ရေးဆိုခွင့်ဖြစ်၏။ ပါလီမန်ဆိုသည် မှာလည်း ပြောစရာရှိတာပြောဖို့နေ ရာဖြစ်၏။ တရားရုံးတွင်လွတ်လပ်စွာချေပခွင့်ဆိုသည်မှာလည်း ပြော ရေးဆိုခွင့်ဖြစ်၏။ အစိုးရတစ်ရပ်ကိုဝေဖန်သည် မှာလည်းပြောရေးဆို ခွင့်ဖြစ်၏။

         ပြောရေးဆိုခွင့်ရလျှင် ကျွန်ုပ်တို့ဘာတွေပြောမည်နည်း။ ပြောရေး ဆိုခွင့်၏အဓိပ္ပါယ်က ဘာတွေပါလဲ ဆိုသည်ကိုတော့  ဆန်းစစ်ဖို့လိုမည်ဖြစ်ပါသည်။ပြောရေးဆိုခွင့်နှင့်ပတ်သက်၍လူသား တိုင်းသည်၎င်း၊ လူ့အဖွဲ့အစည်း တိုင်းသည်၎င်း၊ လွတ်လပ်စွာပြောရေး ဆိုခွင့်ရှိသည်ဟုကျွန်ုပ်တို့ကခံယူပါသည်။ ဝေဖန်မှုနယ်ပယ်များစွာရှိ သည့်အနက်ယခုနေရာတွင်တော့နိုင်ငံရေးနှင့်ပတ်သက်သော(သို့)နိုင် ငံရေးပါတီများ နှင့်ပတ်သက်သောဝေဖန်မှုများကိုသာ ဆွေးနွေး မည်ဖြစ် ပါ သည်။

          နိုင်ငံရေးနှင့်ပတ်သက်သော ဝေဖန်မှုပြုရာ၌ မူဝါဒပိုင်းဆိုင်ရာ ဝေဖန်မှုနှင့် ကိုယ်ကျင့်တရားပိုင်းဆိုင်ရာဝေဖန်မှု ကအဓိကကျသည်ဟု ကျွန်ုပ်တို့ကရှုမြင်ပါသည်။ မူဝါဒပိုင်းဆိုင်ရာဝေဖန်မှုတွင် နိုင်ငံရေးပါတီ တစ်ခု (သို့) နိုင်ငံရေးသမား တစ်ဦး၏မူဝါဒကိုဝေဖန်မှုမျိုးဖြစ်၏။ ထိုပါ တီကိုမကြိုက်ဟုဝေဖန်ခြင်းထက် ထိုပါတီ၏ ဘယ်မူဝါဒကိုမကြိုက်ဟု ဝေဖန်ခြင်းမျိုးသာလျှင်ဖြစ်သင့်ပါသည်။ နိုင်ငံရေးသမားများနှင့်ပတ် သက်၍လည်း ၎င်း၏ မူဝါဒများကိုဝေဖန်ခြင်းဖြင့် ပုဂ္ဂိုလ်ရေးတိုက်ခိုက်မှု များကိုရှောင်ရှားနိုင်မည်ဖြစ်၏။

          ကိုယ်ကျင့်တရားပိုင်းဆိုင်ရာဝေဖန်မှုကလည်းအရေးကြီးပါ၏။ တရားမ၀င်အနှိပ်ခန်းတွင်ရှယ်ရာဝင်ထားသောနိုင်ငံ ရေးသမားတစ် ယောက်၏ကိုယ်ကျင့်တရားကို မဝေဖန်၍ မဖြစ်ပါ။ ထိုသူအာဏာရလာ လျှင် ၎င်းရှယ်ရာဝင်ထားသော အနှိပ်ခန်းအရေအတွက်များ ပွားများလာ နိုင်၍ဖြစ်ပါသည်။ (မှတ်ချက် - မြန်မာပြည်တွင် အချို့နိုင်ငံရေးအဖွဲ့အ စည်းများပိုင် ဆိုင် သော ညကလပ်များ ရန်ကုန်မြို့၌တရားဝင် ရှိပါသည်။)

          ကိုယ်ကျင့်တရားဝေဖန်ချက်တွင်လည်း အငြင်းပွားဖွယ်များရှိ နိုင်ပါသည်။ နိုင်ငံရေးသမားတစ်ယောက် အနေဖြင့် ပြည့်တန်ဆာလုပ် ငန်းတွင်ရှယ်ရာဝင်မထားသော်လည်း အခြားသောတရားဝင်လုပ်ငန်း များတွင် ရှယ်ရာဝင်နိုင်ပြီး စီးပွားရေးဆိုင်ရာမူဝါဒများနှင့် ပတ်သက်၍ ၎င်းရှယ်ရာဝင်ထားသောကုမ္ပဏီများသို့ဘက်လိုက်ခြင်းမျိုးရှိနိုင်၏။ သို့အတွက် နိုင်ငံရေးသမားများအနေဖြင့် ဘယ်လုပ်ငန်းကိုမျှရှယ်ရာမ၀င်ရ ဆိုလျှင်လည်းမတရား ရာကျပေမည်။(လိုအပ်လျှင်လည်းတားမြစ်ရမည် ဖြစ်ပါသည်။)

          မူဝါဒများနှင့်ပတ်သက်၍ ကြီးမားသောပြဿနာမှာ ပြီးပြည့်စုံ သောမူဝါဒဟူ၍မရှိနိုင်ခြင်းဖြစ်၏။ ယခုကာလ၌ပင်လျှင် မတူညီသောမူ ၀ါဒများက ကျွန်ုပ်တို့နိုင်ငံရေးလောကတွင်အားပြိုင်လျှက်ရှိပါသည်။ ဥပမာ ပြရလျှင် ရွေးကောက်ပွဲဝင်ရေးမူဝါဒများနှင့် ရွေးကောက်ပွဲမ၀င် ရေးမူဝါဒများ၊ နိုင်ငံရေးပါတီများထောင်ခြင်းနှင့် နိုင်ငံရေးပါတီများမ ထောင်ခြင်းမူဝါဒများတို့ဖြစ်၏။

          ပြီးပြည့်စုံသောအရာကိုရှာဖွေသောအလုပ်မှာ ဒဿနပညာရှင် များ၏ အလုပ်သာဖြစ်ပြီး နိုင်ငံရေးသမားများ၏ အလုပ်မဟုတ်ပါ။ နိုင်ငံရေးသမား၏အလုပ်မှာ တိုင်းပြည်ဘဏ္ဍာငွေရရန် သစ်ထုတ် လုပ်ပြီး သစ်တော လည်းမပြုန်းတီးစေရေးဖြစ်၏။

          ဝေဖန်မှုများမှာ များသောအားဖြင့်တစ်လမ်းသွားဝေဖန်မှုမျိုးဖြစ် တတ်၏။ ဒါမလုပ်ရဆိုသော်လည်း အခြားဘာလုပ်ပါဟုမပါသော ဝေဖန်မှုမျိုးဖြစ်၏။ ဥပမာအားဖြင့် စစ်အသုံးစရိတ်များလျှောချဖို့ဝေဖန်မှုပြု ခြင်းသည် အခြားအသုံးစရိတ်များကိုပိုမိုအသုံးပြုစေလို ခြင်းဖြစ်၏။ ဘာ ကိုပိုသုံးပါဟုဖေါ်ပြစရာမလိုသောထောက်ပြမှုမျိုးဖြစ်သည်။ မည်သို့ပင် ဖြစ်စေ ဝေဖန်သူတို့အနေဖြင့် ဒါမလုပ်သင့်ဆိုသော်လည်း အခြားဘာ လုပ်ရမည်ဟု မပြောနိုင်သည်ကများပါသည်။ ဗြိတိန်ပြည်သူများအနေ ဖြင့် အာဖဂန်စစ်ပွဲကိုဆန့်ကျင်သော်လည်း အကြမ်းဖက်သမားများအား ဘယ်လိုနှိမ်နှင်းမည်လဲဆိုသည်ကိုကျတော့ အဖြေမရှိခြင်းမျိုးဖြစ်၏။ဤသို့သောဝေဖန်မှုမျိုးကို ဝေဖန်ရေးသမားများနှင့် သတင်းစာများက ပြင်းထန်စွာ လုပ်လေ့ရှိပါသည်။ နိုင်ငံရေးပါတီများကျတော့ ထိုသို့လုပ်၍ မရပါ။ အခြားပါတီ၏လုပ်ရပ်အား ဝေဖန်လျှင် ၎င်းအတွက်အဖြေရှိရ၏။ ရွေးကောက်ပွဲကိုသပိတ်မှောက်လျှင် အခြားဘာလုပ်မည်လဲဟု ပြောနိုင်ရ၏။

          သဘာဝပတ်ဝန်းကျင်ထိမ်းသိမ်းရေးအဖွဲ့များက ဤနေရာတွင် ဆည်ကြီးဆောက်လုပ်ပါက ပတ်ဝန်းကျင် ပျက်စီးမည်ဟုသာထောက်ပြ ပြောဆို၏။ ထိုနေရာတွင်ဆည်မဆောက်ပဲ ရေရအောင် ဘယ်လိုလုပ် မည်လဲဟူသောအဖြေကို ထိုအဖွဲ့ကတာဝန်မယူပါ။ နိုင်ငံရေးသမား တွက်ကတော့ထိုသို့မဟုတ်၊ ဤနေရာတွင် ဆည်မဆောက်ရလျှင် ရေဘယ်လိုရအောင် လုပ်မလဲဟူသော နည်းလမ်းကိုရအောင်ရှာရ၏။

          ဆည်ဆောက်လျှင်ပတ်ဝန်းကျင်ပျက်စီးမည်၊ ရေမရလျှင်ဒေသ ခံများမှဆန့်ကျင်မည်။ ထိုအခါ နိုင်ငံရေးသမားသည် တစ်ခုခုကိုရွေးချယ် ပြီး တစ်ဖက်ဖက်က အပြစ်တင်ခြင်းကိုခံယူလိုက်ရ၏။ ဤသို့ဖြင့် နောက် ရွေးကောက်ပွဲတွင် ရှုံးပြီး နိုင်ငံရေးသမားအသစ်တစ်ယောက်တက်လာ ၏။ နိုင်ငံရေးသမားအနေဖြင့် ထာဝရ အနိုင်ရသူတော့မဖြစ်နိုင်ပေ။

          ဖေါ်ပြပါဥပမာအရ ဆည်တစ်ခုဆောက်ခြင်းသည် ဒေသဆိုင် ရာပြဿနာဖြစ်သော်လည်း၊ တစ်နိုင်ငံလုံးနှင့်ဆိုင်သော မူဝါဒများ၊ တိုင်းပြည်၏ စီးပွားရေး၊ နိုင်ငံရေး၊ လူမှုရေး အပြောင်းအလဲနှင့်ပတ် သက်သောကိစ္စတို့တွင် မတူညီသော အငြင်းပွားစရာ ပြဿနာများ ပြည့်နှက်နေတတ်၏။ အဆင်မသင့်လျှင်အချို့သော မျိုးချစ်နိုင်ငံရေးသမားများ နိုင်ငံရေးလောကမှ ရာသက်ပန်စွန့်ခွာသွားရ၏။ ထိုအဖြစ်မျိုးနှင့်ကြုံလာလျှင် နိုင်ငံရေးသမားအများစုမှာ အများကြိုက်မူဝါဒ များကိုသာ ချမှတ်လေ့ရှိပြီး အစစ်အမှန်လောကကို ကျောခိုင်းလေ့ရှိတတ်သည်။

          မည်သို့ပင်ဖြစ်စေ နိုင်ငံရေးပါတီတို့သည် မိမိတို့ပါတီ၏မူဝါဒ များသည်သာမှန်ကန်ကြောင်း ကာကွယ်ပြော ဆိုလေ့ရှိပြီး အများကြိုက် အယူအဆများ နှင့် ခေတ်ကာလတစ်ခုတွင်ရေပန်းစားသော အယူအဆ များကိုသာ ဟောပြောလေ့ရှိသဖြင့် ပြည်သူများအနေဖြင့် ပို မိုလက်တွေ့ကျသောမူဝါဒများကိုသာထောက်ခံကြရန် ဆန္ဒပြုလိုက် ရပေသည်။



Tuesday, July 27, 2010

ကျောင်းသားသမဂ္ဂတရားဝင်ဖွဲ့စည်းရေးဆောင်ရွက်မည်


မြန်မာဒီမိုကရေစီကွန်ဂရက်မှကျောင်သားသမဂ္ဂတရားဝင်ဖွဲ့
စည်းနိုင်ရေးကြိုးပမ်းဆောင်ရွက်သွားမည်


          မြန်မာပြည်၏ လွတ်လပ်ရေးကြိုးပမ်းမှုသမိုင်းတွင် ကျောင်း သားများက ဦးဆောင်ခဲ့၏။ ကျောင်းသားများ၏ အခန်းကဏ္ဍသည် သမိုင်း တွင်ထင်ရှားခဲ့၏။အဘယ့်ကြောင့်ကျောင်းသားများကဦးဆောင်ရသ နည်းဟုသမိုင်းတွင်မေးခွန်းထုတ်ကြ၏။ ထို့အတွက်အဖြေကတိကျစွာရှိ ပြီးဖြစ်ပါသည်။ ကျောင်းသားများ ဦးဆောင်နိုင်ရခြင်းမှာ ရိုးသားခြင်းနှင့် ပညာတတ်ခြင်း ကြောင့်ဖြစ်၏။ အာဏာရှင် လက်ထက်တွင် ကျောင်း သား များ၏အရေးမှေးမှိန်ခဲ့ရသည်။ ကျောင်းသားသမဂ္ဂတရားဝင် ပေါ်ပေါက်လာရေးသည်လတ်တလောဆောင်ရွက်ရန်တာဝန်တစ်ရပ်ဟုယူဆ သည့်အလျှောက် အောက်ဖေါ် ပြပါမူဝါဒများ ကိုအကောင် အထည်ဖေါ် ဆောင်ရွက်သွားမည်။

-ကျောင်းသားသမဂ္ဂတရားဝင်ဖွဲ့စည်းရေးနှင့် ကျောင်းသားသမဂ္ဂအ ခြေခံဥပဒေရေးဆွဲရေး။

-ကျောင်းသားသမဂ္ဂအဆောက်အဦးအား ကျောင်းသားများ၏လုပ် အား၊ ပြည်သူများ၏ ထည့်ဝင်ငွေဖြင့် ဆောက်လုပ်ရေး။(မည်သည့်အစိုးရ ဘတ်ဂျက်ကိုမျှမသုံးခြင်း၊)

-နိုင်ငံတော်၏ ပါလီမန်အရပ်ရပ်တို့တွင် ကျောင်းသားသမဂ္ဂကိုယ် စားလှယ်မှ တရားဝင်စကားပြောခွင့်၊ အဆိုတင်သွင်းခွင့်ရရှိရေး။

-အစိုးရသော်၎င်း၊ နိုင်ငံရေးပါတီတစ်ရပ်ကသော်၎င်း လွှမ်းမိုးချုပ် ချယ်ခြင်းမှကင်းလွတ်စေရေး။

-မတရားသိမ်းပိုက်ခံထားရသော တက္ကသိုလ်နယ်မြေများနှင့် ကျောင်း နယ်မြေများပြည်လည်ရရှိရေး။

          ကျောင်းသားသမဂ္ဂအခြေခံဥပဒေအား တက္ကသိုလ်အသီးသီး ရှိဥပဒေဌာနမှ ကထိကများ၊ လက်ထောက်ကထိကများ ဦးဆောင်ပါ ၀င်သောဥပဒေပညာရှင်များမှ လွတ်လပ်စွာရေးဆွဲရန်ဖြစ်ပြီး ကျောင်း သားသမဂ္ဂညီလာခံမှ ထိုအခြေခံဥပဒေအားအတည်ပြုပေးရန်ဖြစ် သည်။

          အချို့သောနိုင်ငံရေးသမားများ၏ အယူအဆမှာ စစ်မှန် သောဒီမိုကရေစီရရှိလျှင် ကျောင်းသားသမဂ္ဂကြီး အုတ်မြစ်ချ၍ သမဂ္ဂ များပြန်လည်ဖွဲ့စည်းရေးလုပ်ဆောင်ရန်ဖြစ်၏။ ကျွန်ုပ်တို့အယူအဆ မှာရှိနေသည့် စနစ်ထဲတွင်ပင် တရားဝင် ကျောင်းသားသမဂ္ဂဖွဲ့စည်းရန် ဖြစ်သည်။

         ကျောင်းသားများ၏ပြောရေးဆိုခွင့်နှင့်ပတ်သက်၍လည်း မည်သည့်နည်းဖြင့်ဖွဲ့စည်းထားသော ပါလီမန်ဖြစ်စေ ကျောင်းသားသ မဂ္ဂကိုယ်စားလှယ်မှ ပြောရေးဆိုခွင့်ရရှိရေး၊တရားဝင်အဆိုတင်သွင်း ခွင့် ရရှိရေးသာလျှင်ဖြစ်၏။

         မြန်မာပြည်တွင်စစ်အာဏာရှင်လက်ထက်အတွင်းကျောင်းသား များ ကျောင်းသားအခွင့်အရေး ဘာမျှမဆောင်ရွက်နိုင်ဖြစ်ရသည်။ ကျောင်းအိမ်သာရေမလာသည်မှအစ၊သင်ရိုးညွှန်းတမ်းနှင့်သင်ကြား ရေးစနစ်များအလယ်၊ပညာရေးဘတ်ဂျက်အဆုံး ကျောင်းသားများဘာ ကိုမှ ပြောရေးဆိုခွင့်မရှိတော့။

         ကျောင်းသားများတရားဝင်ပြောရေးဆိုခွင့်ရှိမှသာဒီမိုကရေစီအ ရေးဆောင်ရွက်နိုင်မည်ဟုကျွန်ုပ်တို့ကယုံကြည်သည်။


ကောင်းမြတ်သူ
(မူဝါဒရေးရာဌာန)




   

Friday, July 23, 2010

ထောင်ဥပဒေများပြင်ဆင်ရေးကြိုးပမ်းမည်



ကျွန်ုပ်တို့ပါတီမှ Jail Manual ခေါ်အကျဉ်းထောင်လက်စွဲနှင့်
  ထောင်တွင်းလုပ်ထုံးလုပ်နည်းများပြင်ဆင်ရေးဆောင်ရွက်သွားမည်   


         မြန်မာပြည်ရှိထောင်များက ကိုလိုနီစနစ်၏ အမွေဆိုးဖြစ် သည်။ နှစ်ပေါင်းများစွာကြာသည့်တိုင် အောင်ထိုအမွေဆိုးကိုမပြင် သေး။ မြန်မာပြည်တွင်းထောင်အကြောင်းကို နိုင်ငံရေးအကျဉ်းသား တစ်သိုက်က အသိဆုံးဖြစ်သည်။ စစ်မှန်သောဒီမိုကရေစီမထွန်း ကားသရွေ့ နိုင်ငံရေးအကျဉ်းသားဆိုသည်ကတော့ရှိနေဦးမည်။ယ နေ့ပါတီ ဥက္ကဌသည် ပြောမှားဆိုမှား ၊ လက်ညိုးထောင်ခေါင်းညိတ်မှား၍ နောက်တစ်နေ့သံတိုင်နောက်ရောက်နိုင်၏ ။ 

          သို့အတွက် သံတိုင်နောက်ရောက်ဖူးသူကျွန်ုပ်တို့အနေဖြင့် နောက်ထပ်သံတိုင်နောက်ရောက်လျှင်ဒုက္ခမရောက်စေဖို့အရေး ယ ခုကတဲက ကြိုးပမ်းထားမှတော်ကာကျမည်။ နောက်တစ်ကြိမ်ဆိုလျှင် ကျွန်ုပ်တို့လည်း အသက်ကြီးပြီ။ အိမ်မှလည်းထောင်ဝင်စာ လိုက်တွေ့ နိုင်တော့မည်မဟုတ် ။ နိုင်ငံတကာ Pressureကလည်းထောင်ထဲတွင် ဘာမှအရာမရောက်။ နိုင်ငံရေးအကျဉ်းသားတွေကို ကူညီနေကြသည် ဆိုသည်မှာလည်း ဆိုင်းဘုတ်တတ်ရုံမျှသာဖြစ်ကြောင်း ကျွန်ုပ်တို့ ကောင်းကောင်းသိ၏ ။

          ထောင်ထဲတွင်အခြေအနေကဆိုး၏ ။ နဂိုကမှ Jail Manual က ဒုက္ခပေးရတဲ့အထဲ ထို Jail Manualထဲက ကောင်းတာလေးတွေ က တစ်ခုမှမရှိတော့၊ စာအုပ်ထဲတွင် ရေးမထားသော လုပ်ထုံးလုပ် နည်းအသစ်များကသာ ထပ်တိုးမြဲဖြစ်၏။

          ဥပမာ ဆိုရလျှင် ယခင် နိုင်ငံရေးအကျဉ်းသားများကိုပေးသော B Class ဆိုသည်က ယခုခေတ်တွင်မရှိတော့ ကျွန်ုပ်တို.အားလုံး C Class ဖြင့်သာနေခဲ့ရသည်။ ထောင်သားတစ်ယောက်ကိုပေးသော အစားအသောက်စာရင်းက အင်းစိန်ထောင်ဝင်းအတွင်းရှိ ရိက္ခာဂို ထောင်ဝ တွင်ကပ်ထား၏။ ထိုစာရင်းအတိုင်းကျွန်ုပ်တို့ထံဘယ် တုံးကမှရောက်မလာခဲ့။ Jail Manual တွင် အကျဉ်းသားလျှော့ရက် ကို ဖေါ်ပြထား၏။ ယခုတော့လျှော့ရက်နှင့် နိုင်ငံရေးအကျဉ်းသား ကမ္ဘာ ခြားသွားပြီ။

          အခြားထောင်ဥပဒေနှင့်လုပ်ထုံးလုပ်နည်းများ တွင်ပါဝင်သော ထောင်ဝင်စာပိတ်ခြင်း၊ တိုက်ပိတ်ခြင်း၊ ရေချိုးခွင့်ပိတ်ခြင်း၊ရိုက်နှက်နှိပ် စက်ခြင်း၊ မဖွယ်မရာပြစ်ဒဏ်များဖြစ်သော ခေါင်းစွပ်ခြင်း၊ ဆိုင်ကယ်စီး ခိုင်းခြင်း၊ ခန္ဓာကိုယ်ပင်ပန်းနွမ်းနယ်အောင်ပြစ်ဒဏ်ပေးခြင်း၊ဆေးဝါးကု သမှုမပေးခြင်း၊ အစားအစာဖြတ်တောက်ခြင်း၊မစင်ပုံဘေးတွင်အိပ်ရ ခြင်း၊ လူပေါင်းများစွာနေရခြင်း စသည်ဖြင့်အမျိုးစုံလှသည်။ဒါကဥပဒေ ဆိုင်ရာနှင့်လုပ်ထုံးလုပ်နည်းဆိုင်ရာ ဒုက္ခများဖြစ်၏။

          နောက်တစ်ခုက ရုပ်ပိုင်းဆိုင်ရာထောင်ဖွဲ့စည်းမှုဖြစ်၏။ ထောင်အဆောက်အဦးများက ကိုလိုနီခေတ်အမွေများဖြစ်၍ ထောင်ထဲတွင် အိမ်သာမရှိ၊ တိုက်ခန်းများတွင်လည်းအိမ်သာမရှိ၊ အကျဉ်းသားဦးရေနှင့်ထောင်နေရာကမမျှ။

         အိမ်သာမရှိသောစနစ်ကညဘက်တွင်အခန်းထဲရှိသေး ကန်ထဲတွင်အပေါ့သွားရ၏၊သံစည်ပိုင်းပြတ်ပေါ်တွင်တန်းထိုး၍ မစင်စွန့်ရ၏။ထိုအခါမနက်မိုးလင်းလျှင် ချီးပုံး၊ သေးပုံးထမ်းရသော အလုပ်အကိုင်အခွင့်အလန်းများပေါ်လာတော့၏။

          အခြားသောဒုက္ခများကတော့ ခြင်ကိုက်ခြင်း၊ ကြမ်းပိုးကိုက် ခြင်း၊ ၀ဲနှင့်ယားနာများပေါက်ခြင်း၊ကြောက်မက်ဖွယ်ရာယင်ကောင် ထုကြီးနှင့် ၀မ်းပျက်ဝမ်းလျှောရောဂါများ၊ ပန်းကန်ပြားဖြင့် လေး ငါးခွက် ခန့်သာရေချိုးရခြင်း၊ခြင်ထောင်မရှိ၊စောင်မရှိ ခေါင်းအုံးမရှိစသည် တို့ဖြစ်သည်။

          သို့အတွက်ကျွန်ုပ်တို့ပြင်ဆင်ရမည်က Jail Manual တစ်ခုတည်းသာမက ထောင်တွင်းအဆောက်အဦပုံစံ၊ မိလ္လာစနစ်၊ သန့်ရှင်းရေး၊ ဆေးဝါးစောင့်ရှောက်မှု၊ အစားအသောက်နှင့် အ၀တ်အ ထည်များသုံးစွဲခွင့်၊လျှော့ရက်ရရှိရေး စသည်ဖြင့်သောအ ကျဉ်းသားအခွင့်အရေးတို့ဖြစ်၏။ 

          ဤမျှများပြားသော ပြင်ဆင်မှုများကိုပြုလုပ်နိုင်ပါမှ ကျွန်ုပ် တို့ နိုင်ငံရေးသမားများနောင်ရေးစိတ်အေးရမည်ဖြစ်သဖြင့် အကျဉ်း ထောင်ပြုပြင်ပြောင်းလဲရေးများပြုလုပ်ရန်ကြိုးပမ်းသွားမည်ဖြစ်ကြောင်း။


     ကောင်းမြတ်သူ
    (မူဝါဒရေးရာဌာန)




Wednesday, July 21, 2010

ပြည်ပရင်းနှီးမြှုပ်နှံမှုများဖိတ်ခေါ်ခြင်း


မြန်မာဒီမိုကရေစီကွန်ဂရက် မှ ပြည်ပရင်းနှီးမြှုပ်နှံမှုများဖိတ်ခေါ်     (မူဝါဒရေးရာဌာန)
               Targeted FDI For The People           


          တိုင်းပြည်၏ လတ်တလောအရေးတကြီးလိုအပ်လျှက်ရှိသော ရင်းနှီးမြုတ်နှံမှုများတွင် ၀င်ရောက် လုပ်ကိုင် ရန် အ တွက် အောက်ဖေါ်ပြပါနယ်ပယ်များတွင် (Targeted FDI For The People) ပြည်သူများအတွက်တိုက်ရိုက် အကျိုးပြု ပြည်ပရင်းနှီးမြုတ်နှံမှုနှင့် နည်းပညာများ လာရောက်ရင်းနှီးမြုတ်နှံရန် နိုင်ငံတကာ အသိုင်းအ၀ိုင်း အား ဖိတ်ခေါ် သည်။

          လုပ်အားဗဟိုပြုစီးပွားရေးလုပ်ငန်းများ၊ ပညာရေးနှင့်ဆက်စပ်လုပ်ငန်းများ၊ ကျန်းမာရေးနှင့်ဆက်စပ်လုပ်ငန်း များ၊စက် ရုံများ နည်းပညာများ နှင့် ကျွမ်းကျင် ပညာရှင်များ ပါဝင်သည် ။
          လုပ်အားဗဟိုပြုစီးပွားရေးလုပ်ငန်းများမှာ အထည်ချုပ်လုပ်ငန်းကဲ့သို့လုပ်သားအင်အားအများအပြားလို သော စက်ရုံများဖြစ်သည် ။ထိုလုပ်ငန်းတွင်လုပ်ကိုင်နေသော လုပ်သားအင်အားအများစုမှာ အမျိုးသမီးငယ်များ ဖြစ် သည်။ ထိုအမျိုးသမီးငယ်များ၏ စာရိတ္တနှင့် ဘ၀ကိုမြှင့်တင်နိုင်မည့်နည်းလမ်းမှာ ၎င်းတို့အတွက် အလုပ်အကိုင်အ ခွင့်အလမ်းဖြစ်သည်။ ထိုင်းနိုင်ငံတွင် မြန်မာအမျိုးသမီးငယ် တစ်သန်းကျော်အထည်ချုပ်စက်ရုံ များတွင်ဆင်းရဲ စွာ လုပ်ကိုင်နေထိုင်ရသည်။ အထည်ချုပ်လုပ်ငန်းဆိုသည်မှာ ပြည်ပမှကုန်ကြမ်းပစ္စည်းများသွင်းယူ၍ လုပ်သားအင်အားဖြင့်ကုန် ချောထုတ်ယူပြီးပြည်ပသို့ အားလုံးပြန်လည်တင်ပို့သည့် (CMP) စနစ်သာဖြစ်သည်။ လုပ်သားများ လုပ်ခမှလွဲ၍ စက်ရုံပိုင် ရှင်က တစ်ပြားမှ အပိုမသုံးစွဲသောစနစ်ဖြစ်သည်။

          ပညာရေးနှင့်ဆက်စပ်လုပ်ငန်းဆိုသည်မှာ ဘောပင်၊ခဲတံ၊စာရေးကိရိယာမျိုးစုံ၊ စက္ကူစက်ရုံများ၊ ကွန်ပျူ တာ နှင့်ဆက်စပ်ပစ္စည်း စက်ရုံများဖြစ်သည်။၎င်းလုပ်ငန်းများ မထွန်းကား၍ ကျောင်းသားများမှာပညာရေးနှင့် ဆိုင် သော ပစ္စည်းများကို အလွန်ဈေးကြီးပေး၍ ၀ယ်သုံးရသည်။ စက္ကူစက်ရုံများမှ မဂ္ဂဇင်းများ၊ ဂျာနယ်များ နှင့်စာအုပ် ထုတ် ဝေရေးလုပ်ငန်းများကိုပါဖွံ့ဖြိုးတိုးတက်စေသည် ။

          ကျန်းမာရေးနှင့်ဆက်စပ်လုပ်ငန်းများဆိုသည်မှာ ဆေးရုံနှင့်ဆေးခန်းများ လာရောက်ဆောက်လုပ်ခြင်း၊ ရောဂါရှာဖွေရေးနှင့်ကုသရေးနည်းပညာများ၊ ဆေးဝါး ထုတ်လုပ်ရေး၊ တစ်ခါသုံးဆေးထိုးအပ်နှင့် ကွန်ဒုံးထုတ်လုပ်ရေးကဲ့သို့သော စက်ရုံများ တည်ဆောက်ခြင်းတို့ကို ဆိုလိုသည်။

      အထက်ဖေါ်ပြပါလုပ်ငန်းများနှင့်ပတ်သက်သောကျွန်ုပ်တို့၏တိကျသောမူဝါဒမှာ ထိုနယ်ပယ်များနှင့်ပတ်သက် သောရင်းနှီး မြုတ်နှံမှုများကိုဖိတ်ခေါ်ခြင်းသာဖြစ်ပြီး ထိုနယ်ပယ်များအားထောက်ပံ့ရန် (NGO) များနှင့် အလှူရှင်များ အားဖိတ် ခေါ် ခြင်းမဟုတ်ပါ။

          ကျွန်ုပ်တို့၏မူဝါဒမှာဖေါ်ပြပါလုပ်ငန်းများနှင့်ပတ်သက်သော ကုန်လုပ်ဆက်ဆံမှုနယ်ပယ်(EconomicSystem)တစ်ရပ် ပေါ်ထွန်း လာ ရေးသာဖြစ်ပါသည်။

          ပါတီ၏ တာဝန်ရှိသူများမှ ရန်ကုန်ရှိ နိုင်ငံတကာသံရုံးများ ၊ ကုလသမဂ္ဂရုံးများ သို့ဆက်သွယ်ဆွေးနွေးမှုများ ပြုလုပ်မည်ဖြစ်ပြီး ပြည်တွင်း ဂျာနယ်များအားလည်းကျယ်ကျယ်ပြန့်ပြန့်ဆွေးနွေးတင်ပြသွားမည်ဖြစ်သည်။ ပြည် တွင်းရှိပညာရှင်များ ပြည်သူများ၊ ကျောင်းသားများ ၊ စက်ရုံအလုပ်ရုံလုပ်သားများ ၊ အထည်ချုပ်စက်ရုံမှ အမျိုးသမီး များ နှင့် သက်ဆိုင်ရာ စီးပွားရေးလုပ်ငန်းရှင်များကြားသို့ လည်း ဆွေးနွေးခြင်း၊ စစ်တမ်း ကောက် ယူ ခြင်း များ ပြု လုပ် သွားမည်ဖြစ်သည်။

ကောင်းမြတ်သူ (မူဝါဒရေးရာဌာန)

ယူကေနိုင်ငံ

myanmardemocracycongress@googlemail.com





Friday, July 16, 2010

အဂတိလိုက်စားမှုတိုက်ဖျက်မည်

 
  ကျွန်ုပ်တို့ပါတီမှအဂတိလိုက်စားမှုရာနှုံးပြည့်တိုက်ဖျက်မည်       ( မူဝါဒရေးရာဌာန)



          အဂတိလိုက်စားမှုဆိုလျှင် တော့ကျွန်ုပ်တို့နိုင်ငံက ထိပ်ဆုံးမှ ဖြစ်သည် ။ အဂတိလိုက်စားမှုက မျိုး ဆက်ပေါင်းများစွာ အတွင်းယဉ် ကျေးမှုသဖွယ်ပင်အမြစ်တွယ်နေပြီ ။ လာဘ်စားနိုင်မှဂုဏ်ရှိသည် ။

         ကျွန်ုပ်တို့ ပထမဆုံးလုပ်မည့်အလုပ်က ပါတီတွင်းအဂတိ လိုက်စားမှုတိုက်ဖျက်ရေးဖြစ်၏။တိုက်ဖျက်မည် မှရာနှုံးပြည့်တိုက်ဖျက် သွားမည်ဖြစ်ပါသည် ။

          အနိုင်ရအမတ်များ၊နည်းအမျိုးမျိုးဖြင့်တိုင်းပြည်ရာထူးကြီး များတွင် ၀င်ရောက်နေရာယူနိုင်သော ပါ တီခေါင်းဆောင် များ၏ ပိုင်ဆိုင်မှု ၊ ၀င်ငွေ နှင့်အသုံးစရိတ်များကို ပါတီတွင်းလေ့လာ စောင့် ကြည့်ရေး အဖွဲ့များမှပုံမှန် သုတေသနပြုမှတ်တမ်းတင်သွားမည်ဖြစ် ၏ ။

          အခြားသောကျွန်ုပ်တို့နှင့်သဘောတူညီဖွယ်ရှိသည့်နိုင်ငံရေး ပါတီများနှင့်လည်းပူးပေါင်း ဆောင်ရွက်သွားမည် ဖြစ်ပါသည် ။ ဒါကပါ တီတွင်းနှင့် မဟာမိတ်ပါတီများ အတွင်း ဆောင်ရွက်ချက်ဖြစ်သည် ။

          နိုင်ငံနှင့်အ၀ှမ်း အဂတိလိုက်စားမှုများကိုတော့ အနှစ် (၂၀) အတွင်း ထက်ဝက်လျှော့ကျအောင်ဆောင် ရွက်သွားမည်ဖြစ်ပါသည် ။ နှစ်စဉ်တစ်ရိတ်ရိတ်တက်လာသော အဂတိလိုက်စား မှုကိုချက်ခြင်း ရပ် တံ့အောင်လုပ်၍ မဖြစ်နိုင်မှန်းလည်း ကျွန်ုပ်တို့နားလည်၏ ။ ပြီးခဲ့သော ဆယ်စုနှစ် ၂ စုကျော်အတွင်း အဂ တိလိုက်စားမှုကလည်း အဆ သုံး လေးဆယ်တက်လာခဲ့သည် ။

          လာမည့်အနှစ်၂၀ အတွင်း လူအများစုတို့၏ ၀င်ငွေနှင့်အသုံး စရိတ် မျှတစေမှ လာဒ်စားမှုလျှော့ချ နိုင်မည်ဖြစ်သည် ။ လာမည့်မျိုးဆက်သစ် လူငယ်များအားလည်း ပညာပေးရေးလုပ်ငန်းများ ဆောင်ရွက်ရ မည်ဖြစ်ပါသည် ။

          တိုင်းပြည်၏ အမျိုးသားရေးတာဝန်တစ်ရပ်အဖြစ် နိုင်ငံသား တိုင်းပါဝင်ဆောင်ရွက်ရမည့် အလုပ်ဖြစ်ပါသည် ။ ထို့အတွက် ကျွန်ုပ် တို့ကစံပြအဖြစ်ဆောင်ရွက်မည် ။ ပါတီထောင်ရေးအတွက် သက်ဆိုင် ရာအာဏာပိုင်များထံမှ ငွေကြေးနှင့် လုပ်ငန်းများတောင်းခံနေသော နိုင် ငံရေးပါတီများအနေဖြင့် အဂတိလိုက်စားမှုများကို ပပျောက်အောင် ဆောင် ရွက်နိုင်လိမ့် မည်မဟုတ်ပါ။



Wednesday, July 14, 2010

၁၉ ဇူလိုင်အခမ်းအနားတက်ရောက်ခြင်း

မြန်မာဒီမိုကရေစီကွန်ဂရက် အာဇာနည်နေ့အခမ်းအနားတက်မည်


          အစိုးရ၏ အာဇာနည်နေ့ကျင်းပရေးကော်မတီမှ နိုင်ငံရေးပါတီ များကိုအစည်း အဝေးဖိတ်ကြား၍ အာဇာနည်နေ့အခမ်းအနားသို့ တက်ရောက်လိုခြင်းရှိမရှိသဘော ထားမေးမြန်းခဲ့၍ မြန်မာဒီမိုကရေစီ ကွန်ဂရက် မှအခမ်းအနားသို့တက်ရောက်မည်ဖြစ်ကြောင်းသဘော ထားပေးခဲ့သည် ။

          ရန်ကုန်တိုင်းတွင် လက်ရှိမှတ်ပုံတင်ကျပြီးသော နိုင်ငံရေးပါတီ ၂၁ ခုရှိပြီး အာဇာနည်နေ့ကျင်းပရေး ဖိတ်ခေါ်အစည်းအဝေး သို့တက် ရောက်သော နိုင်ငံရေးပါတီပေါင်း ၁၄ ခုရှိသည် ။

          ပါတီတစ်ခုလျှင် ၇ ဦးတက်ရောက်နိုင်ပြီး အခန်းအနားတွင် ပါတီ၏ အလံကိုကိုင်ဆောင်ခွင့်ရမည်ဖြစ်သည် ။လွမ်းသူပန်းခွေကိုင် ဆောင်သူ ၂ ဦး၊ပါတီအလံကိုင် ဆောင်သူ တစ်ဦး နှင့် ပါတီဆိုင်းဘုတ်ကိုင်သူ တစ်ဦးအပါအ၀င် စုစုပေါင်း ၇ ဦးတက် ရောက်နိုင်မည်ဖြစ်သည် ။

           အခမ်းအနားမှတ်တမ်းတင် ဓါတ်ပုံများ ဗီဒီယိုများ ကိုယ်တိုင် ရိုက်ယူခွင့်ရမည်မဟုတ်ပဲ သက်ဆိုင်ရာမှ သီးသန့်ပေးပို့မည် ဟုသိရ သည်။ တက်ရောက်သူများကို အမျိုးသားဝတ်စုံဝတ်ရမည်ဟုသတ်မှတ် သည်။

          အာဇာနည်နေ့အခမ်းအနားဖိတ်ကြားခြင်းသည် အစိုးရအနေ ဖြင့်နိုင်ငံရေးပါတီများအား နိုင်ငံတော်၏ အရေးပါသောအဖွဲ့အစည်းအ ဖြစ် သတ်မှတ်သည့် သံခင်းတမန်ခင်း ကြိုးပမ်းမှုတစ်ခုအနေဖြင့် ရှုမြင် ပြီး MDC ပါတီမှလည်း အစိုးရ၏ ထိုသံခင်းတမန်ခင်း ကြိုးပမ်းမှုကို သ တိဝီရိယ အပြည့်ဖြင့်လက်ခံမှုပြုလိုက်သည် ။

          အနာဂတ်ကာလတွင်လည်း နိုင်ငံတော်ဆိုင်ရာအခမ်းအနား များ အရေးကိစ္စများတွင် ပါဝင်နိုင်ရန် ပထမ ဦးဆုံးသော သံခင်းတမန် ခင်းကြိုးပမ်းမှု ခြေလှမ်းတစ်ရပ်အဖြစ် သတ်မှတ်ကြောင်းထုတ်ဖေါ်ကြေ ငြာအပ်သည် ။



Monday, July 12, 2010

ပြန်လည်ထူထောင်ရေးနှင့် ဒီမိုကရေစီရေး

         
          နိုင်ငံပိုင်လုပ်ငန်းများရောင်းစားခြင်း          ( မြို့မကျောင်းသား)

          ကမ္ဘာပေါ်တွင် မူးယစ်ဆေးဝါးပြီးလျှင် ဒုတိယအမြတ်အများဆုံး မှာ အရက် ၊ ဘီယာ ၊ စီးကရက် နှင့် အချိုရည်မျိုးစုံတို့ဖြစ်သည် ။ ထို လုပ်ငန်းများမှ အရှုံးပေါ်သည်ဆိုလျှင် အစိုးရတစ်ရပ်အနေဖြင့် ဘာလုပ် ငန်းမှလုပ်ဖို့မသင့်တော။့ မြန်မြန်သာ ရောင်း စားဖို့သင့်၏ ။ သို့မဟုတ် ပုဂ္ဂလိက ပိုင်သာ လုပ်သင့်၏ ။ တိုင်းပြည်၏ အဂတိလိုက်စားမှုနှင့် နိုင်း ယှဉ်လျှင် အလကားရသော အကောက်ခွန်ဌာနသည်ပင် အရှုံးပေါ်ဖို့ရှိ နေ၏ ။

          နိုင်ငံတော်ပိုင် စက်ရုံများဆိုသည်မှာလည်း ၆၂ ခုနှစ်အာဏာမ သိမ်းခင်ဆောက်လုပ်ခဲ့သောစက်ရုံများ နှင့် မ-ဆ-လ စီမံကိန်းများဖြင့် တည်ထောင်ခဲ့သော စက်ရုံများသာလျှင်ဖြစ်ပါသည် ။အချို့စက်ရုံများ ကတော့ ပြည်သူ ပိုင်သိမ်းစက်ရုံများဖြစ်၏ ။

          ၈၈ အာဏာသိမ်းပြီး နောက်ပိုင်း ဒုတိယအမြတ်အများဆုံးဖြစ် သော နိုင်ငံပိုင်စက်ရုံများ ဖြစ်သည့် စီးကရက်၊ ဘီယာ၊ အချိုရည်စက် ရုံများ ပုဂ္ဂလိက ပေးလိုက်၏ ။အလကားနေရင်းမြတ် နိုင်သောစက်ရုံများ သာ လုပ်ငန်းရှင်များက ယူကြ၏ ။

          န-၀-တ လက်ထက် ဖက်စပ်ကော်ပိုရေးရှင်းများ ပေါ်လာခြင်း နှင့်ပျောက်သွားခြင်းကိုအားလုံးအမှတ် ရလိမ့်မည်ထင်ပါသည် ။ ထိုဖက် စပ်လုပ်ငန်းများပျက်သုန်းသွားခြင်း၏ လက်သယ်မှာလည်း စစ်အစိုးရ အရာ ရှိကြီးများလာဒ်စားမှု ကြောင့်ဖြစ်၏ ။

          မြန်မာပြည်တွင်စက်ရုံအလုပ်ရုံများ ကလည်းသိပ်များများ စား စားရှိလှသည်မဟုတ်ပါ ။ စက်ရုံများ၏ သဘာဝက နှစ်ပေါင်းကြာလာ လျှင်ခောတ်မမှီတော့ ၊ စက်ပစ္စည်းများက ခောတ်မမှီခြင်းဖြစ်နိုင်သလို နည်းပညာများကလည်း ခောတ်နောက်ကျခြင်းဖြစ်နိုင်၏ ။ စက်မှုနည်း ပညာ၏ အတိုင်းအတာက ကျယ်ပြန့်သလို ကုန်ပစ္စည်းအရည် အသွေး တို့၏ နည်းပညာများကလည်းကျယ်ပြန့်သည် ။

          ဥပမာအားဖြင့် စက်ရုံအဟောင်းတစ်ခုသည် လုပ်သား အင် အား (၁၀၀) လိုအပ်လျှင် နည်းပညာသစ်နှင့်စက်ရုံများက (၅၀) သာလို အပ်နိုင်သည် ။စက်ရုံအသစ်က လောင်စာ (သို့) လျှပ်စစ်ဓါတ်အားသုံး စွဲမှု သက်သာခြင်းမျိုး၊နည်းပညာအသစ်က ဈေး ပေါသောကုန်ကြမ်း ဖြင့် အလုပ်ဖြစ်ခြင်း ၊ ထွက်ရှိသောအရည်အသွေးကောင်းခြင်း ၊တစ်နေ.ကုန် ပစ္စည်းပိုမိုထွက်ရှိခြင်းမျိုးဖြစ်နိုင်၏ ။

          ထိုသို့ စက်မှုနည်းပညာနှင့် ကုန်ပစ္စည်းအရည်အသွေး တို့အမြဲတန်းခောတ်မီနေစေရေး ဆိုသည်မှာ အဂတိလိုက်စားလွန်းသော အစိုးရအရာရှိကြီးများ လုပ်နိုင်သောအလုပ်မဟုတ်ပါချေ ။ မြန်မြန် ရောင်းလေ တိုင်းပြည်အတွက်မြန်မြန်သက်သာလေဖြစ်ပါသည် ။

          ပုဂ္ဂလိက လုပ်ငန်းရှင်များကတော့ အမြတ်အများဆုံးသော လုပ်ငန်းများကိုသာ လွှဲပြောင်းယူဖို့ဆန္ဒရှိနိုင်ပါသည် ။ လောင်စာဆီ ရောင်းဝယ်ရေးလုပ်ငန်း ၊ သစ်ပင်ခုတ်ရောင်းသောလုပ်ငန်း ၊ လမ်းများ ဖေါက်ပြီး အခွန်မတရားကောက်သောလုပ်ငန်း ၊ သင်္ဘောကပ်လာလျှင် ဆိပ်ကမ်းခွန်ကောက်ယူရုံသာဖြစ်သော ဆိပ်ကမ်းလုပ်ငန်း စသည်တို့ဖြစ်သည် ။

          မ-ဆ-လ ခောတ်က သမ၀ါယမဆိုသည်မှာ ပါတီ၏ မီးဖိုချောင် ဖြစ်ခဲ့၏ ။ ယခုလည်း နိုင်ငံပိုင်လုပ်ငန်းဆိုသည်မှာ အစိုးရအရာရှိများ၏ ငွေတွင်းဖြစ်နေသည် ။ ပုဂ္ဂလိက လုပ်ငန်းရှင်များ စိတ်မ၀င်စားခဲ့လျှင် နိုင်ငံပိုင်စက်ရုံများအားဖျက်သိမ်းရေးသာလျှင် ပြည်သူအတွက်အကျိုး များဖို့ရှိ၏။ဤသည်မှာ နိုင်ငံပိုင်စက်ရုံများနှင့်ပတ်သက်သော ကျွန်ုပ် တို့၏ သဘောထားဖြစ်လေသည် ။

         

Saturday, July 10, 2010

ရွေးကောက်ပွဲ ၀င်နိုင်ငံရေး ပြဿနာများ (၂)

          ၂၁ ရာစုနိုင်ငံရေးလောကဝေဖန်ချက်     ( ကောင်းမြတ်သူ)


          လက်ခုပ်သံများကြားမှ နိုင်ငံရေးလုပ်ရသည်မှာ လွယ်ကူသော် လည်း  အငြင်းပွားဖွယ်ရာ အခြေအနေတွင် နိုင်ငံရေးလုပ် ရသည်မှာ အလွန်ခက်ခဲပါ၏ ။
         
          လက်ခုပ်သံကြား နိုင်ငံရေးလုပ်သူများ ယခု ၂၀၁၀ အရေးအ ခင်းတွင် သူတို.မပါတော့ ။ သပိတ်မှောက်ကြဖို.ပင်ဆော် သြ နေကြ၏ ။  သူတို့ပါသည်ဟုပြောလျှင်လည်း သပိတ်မှောက်စေဖို့ဆော်သြသည့်နည်းဖြင့်ပါသည်ဟု သာမှတ်ယူရပါမည် ။ ထို့အတွက်ပြည်သူထံမှ ၄င်းတို့ရရှိမည့်ဆုလာဒ်မှာ လက်ခုပ်သံများဖြစ်နိုင် ဖို့ရှိ၏ ။ လက်ခုပ်သံကြား ဆုလာဒ်များသည် နိုင်ငံရေးလုပ်သူ များအတွက် စိတ်လှုပ်ရှားစရာ အောင်မြင်မှု တစ်ခုဖြစ် နေခြင်း လားတော့မပြောတတ်ပေ ။

          နားထောင်၍စိတ်လှုပ်ရှားဖွယ် ကောင်းနိုင်သော်လည်း ၊ ပြတ်သားတက်ကြွပြီးအောင် မြင်မှုမရှိသောမူဝါဒများ အတွက် မည်သူမျှတာဝန်ယူနိုင်လိမ့်မည်မဟုတ်ပါ ။

          ၁၉၆၂ အာဏာသိမ်းခေါင်းဆောင်သည် ယခုအခါတွင်မရှိတော့ ။ ထိုခောတ်တွင်ပင် အာဏာရှင်စနစ်ကိုစတင်တော်လှန်ခဲ့သော မျိုးဆက်တို့ကို ကျွန်ုပ်တို့က ( ၆၂ ) မျိုးဆက်များဟုခေါ်သည်။ ထိုသူများ၏ အရေအတွက်ကား လွန်စွာနည်းပါး နေပြီ ၊ ကျန်ရှိသူများမှာလည်း အိုမင်းမစွမ်း ဖြစ်နေကြ၏ ။

          ၁၉၇၄/၇၅၀န်းကျင်တွင် တော်လှန်ခဲ့ကြသော မျိုးဆက်သာ လျှင် လှုပ်ရှားတက်ကြွနိုင်ဆုံးအသက် အရွယ်တွင်ရှိနေပါသည် ။ အာ ဏာရှင်စနစ်၏ အဖိနှပ်ဆုံးသော ကာလများတွင်တော်လှန်ခဲ့ကြသူ များဖြစ်၍ (အရေအတွက်သိပ်မများ သည့်တိုင်)ကျွန်ုပ်တို့နိုင်ငံရေး လောက တွင် အတော်သြဇာကြီး ခဲ့ပေသည် ။

          နိုင်ငံရေးကို လေ့လာသူတစ်ယောက် အနေဖြင့် ၁၉၇၄/၇၅ ပတ်ဝန်းကျင်တွင် ပေါ်ထွန်းခဲ့သော မျိုးဆက်အား တစ်ယောက်ခြင်းစီ ပင်လျှင်ရေတွက်၍ ရနိုင်ပါသည် ။ ၄င်းတို့ဘယ်မှာရှိသည် ၊ ဘာလုပ် နေသည် ၊ မည်သူတို့က မည်သည့်နိုင်ငံရေးခံယူချက်ရှိသည် စသည် ဖြင့် တစ်ယောက်နှင့်တစ်ယောက် ထိမ်ချန်၍မရ သိနိုင်ကြ၏ ။

          စာရေးသူ လက်လှမ်းမှီသ၍ လိုက်လံဆွေးနွေးမှုများ မှရရှိ သော ရလာဒ်များအရ ၁၉၇၄/ ၇၅ အုပ်စု၏ ၅၀ % ကျော်မှာ လက်ရှိ အခြေအနေအား သပိတ်မှောက်ရေးသာလျှင်ဖြစ် ၍ ထိုမှတစ်ပါး ဘာ လုပ်မည်လဲဟုသတ်မှတ်ချက်မရှိသော မူဝါဒ လက်ကိုင်မရှိ နိုင်ငံရေးသ မား များသာလျှင်ဖြစ်နေကြ၏ ။

          သပိတ်မှောက်ရေး လမ်းစဉ်နှင့်ပတ်သက်၍ သဘောထား အ တင်းမာဆုံးသူမှာ ကွန်မြူနစ်ပါတီ၏ ပြောရေးဆိုခွင့်ရှိသူဖြစ်၍ ( ၄င်း၏ သဘောထားကို ကွန်မြူနစ်ပါတီ၏ သဘောထားဟုလည်းမှတ်ယူရာ၏)။ အလယ်အလတ် သဘောထားရှိသူမှာ အမေရိကားမှ ဒေါက်တာထွန်း ကျော်ငြိမ်းဖြစ်၏။ သူက ရွေးကောက်ပွဲကိုသပိတ်မှောက်လျှင် တိုက်ပွဲ ကိုစွန့်ရာကျမည်ဟု ရေးသားခဲ့၏ ( မဉ္စိမ အွန်လိုင်းတွင် ရှု ) ။ မြန်မာ ပြည်တွင်းမှ လက်ရှိနိုင်ငံရေး အခြေအနေတွင်ပါဝင် ဖို့ကြိုးစားနေသူ များက ၇၄/၇၅ အုပ်စုဝင် ဒေါ် နေရီဗဆွေနှင့် ဒေါ်ချိုချိုကျော်ငြိမ်း တို့ဖြစ်၏ ။ သူတို့၏ နိုင်ငံရေးအမြင်များကိုတော့ မီဒီယာများတွင် အနည်း ငယ်ကြားရမည်ဖြစ်ပါသည် ။

          ၁၉၈၈ နိုင်ငံရေးမျိုးဆက်တို့မှာ လူဦးရေးအားဖြင့်အများဆုံး ဖြစ်သော်လည်း ၊ ပွင့်လင်းရာသီတွင် ပါဝင်လာကြသူများဖြစ်၍  ယခုအ ချိန်တွင် ယုံကြည်ချက်ခိုင်မာသူ များသာလျှင်လက်ကျန်ရှိတော့၏ ။ စာရေးသူအနေဖြင့် ၈၈ အုပ်စုဝင် ဖြစ်၍ ခောတ်ပြိုင် နိုင်ငံရေးလုပ်ဖေါ် ကိုင်ဖက်များ ကြားတွင်လိုက်လံ ဆွေးနွေးခဲ့ပါသည် ။ ဆွေးနွေးခဲ့သော မှတ်တမ်းများအရ ၅၀ %ကျော်တို့က လက်ရှိနိုင်ငံရေးအခြေအနေကို ၀င်ရောက်ဖြတ် သန်း ရမည် ကိုလက်ခံကြောင်းပွင့်လင်းစွာပြောကြ၏ ။ အချို့ကတော့ စာရေးသူအား ပုဂ္ဂိုလ် ရေးခင်မင်မှုအရ မကန့်ကွက်လို ပါဟုပြောလာသူများလည်းရှိပါသည် ။

          သို့သော် ပါဝင်သင့်ပါသည်ဟု ယူဆသော ၅၀% ကျော် သော ၈၈ အုပ်စုမှာလည်း လက်ရှိနိုင်ငံရေးအခင်းအကျင်းတွင် ကိုယ် တိုင
ပါဝင်ရန် (သို့) ပါဝင်နေသောပုဂ္ဂိလ်များအား လူသိရှင်ကြား ထောက်ခံရန် ငြင်းဆိုလျှက်ရှိကြ၏ ။

          နောင်အနှစ် ( ၂၀ ) ကြာလျှင် ယခုအငြင်းပွားနေကြသော လူ ကြီးများ သက်ရှိထင်ရှားရှိနိုင်ကြတော့မည်မဟုတ်ပါ ။ သက်ရှိထင်ရှားရှိ နိုင်သူများမှာလည်း လွန်စွာအိုမင်းမစွမ်း ရှိနေပေလိမ့်မည် ။ ယနေ့အ ချိန်တွင် သုံးလို့ကောင်းဆဲဖြစ်သော တော်လှန်ရေးဆိုသောစကားလုံး သည် လည်း နောက် အနှစ် (၂၀)ကြာလျှင် ခက်ခဲစွာ စာလုံးပေါင်းရ မည်ဝေါဟာရတစ်ခုဖြစ်နေပေလိမ့်မည် ။ ၈၈ အုပ်စုဝင် များသည်ပင် လျှင် အသက် ( ၆၀ ) ကျော်တန်းသို့ရောက်နေပေလိမ့်မည်။ ( ယခု ၈၈ အုပ်စုဝင်အများစုမှာ ၄၀ ကျော်ဖြစ်သည် )။ယခုကာလတွင် ၈၈ ကျောင်းသားခေါင်းဆောင်ဟု နာမည်ကြီးနေသူများသည် လည်းနောင် အနှစ် ၂၀ ကြာလျှင် ဆံဖြူသွားကျိုး ဒုတ်ကောက်တစ်ချောင်းနှင့် ငါ ဘယ်သူဘယ်ဝါဟုမာန်တင်း နိုင်တော့မည်မဟုတ်ပါ ။

          ထိုအခါမျိုးဆက်ပြတ်၍ ကယ်တင်မည့်သူမရှိသော မြန်မာပြည် နိုင်ငံရေးလောကသည် ၂၁ရာစုနှောင်းပိုင်းကာလအထိ ၀မ်းနည်း ဖွယ်ရာ မတည်ငြိမ်မှုများဖြင့် ဖြတ်သန်းရဖို့ရှိနေပါသည် ။ နောင်အနှစ် ၂၀ ကြာသောကာလတွင် ပြည်သူကလည်း နိုင်ငံရေးသမားများကို လုံးဝ ယုံကြည်တော့မည်မဟုတ်ပါ ။ ထိုအခါနိုင်ငံရေးသမားကောင်းဟူ၍ လည်းပေါ်ထွက်လာနိုင်မည်မဟုတ်ပဲ နိုင်ငံရေးလောကသည် အချောင် သမားများနှင့်သာ ပြည့်နှက်နေမည်ဖြစ်ပါသည် ။ (ထိုကာလမျိုးသည် နှစ် ၅၀ ခန့်ကြာတတ်ပါသည် ။)

          ထိုအချိန်ဆိုလျှင် ရေနံ ၊သဘာဝဓါတ်ငွေ့နှင့် သထ္တုရိုင်းသိုက် များ၊သစ်တောများလည်း ကုန်သလောက်ရှိနေပြီဖြစ်ပါသည်။(ညူက လီးယားစမ်းသပ်မှု ပင်လယ်ထဲကျကုန်မည်၊) ယခုအချိန်လောက်တွင် စိုက်ပျိုးထားသော သစ်တောများကိုသာ ၂၁ ရာစုကုန်ခါနီး လောက် တွင် တွေ့နိုင်ပါသည်။

         
          နိုင်ငံရေးဆိုသည် မှာ ရေရှည်လမ်းမျှော်ကြည့်၍ ယနေ့ကာ လ၏ ဆုံးဖြစ်ချက်များကိုချရသောအလုပ်ဖြစ်ပါသည် ။ အချို့သော ဆုံး ဖြစ်ချက်များသည် မနက်ဖြန်သဘက် အလုပ်အကိုင်အခွင့်အလန်းများ ရရှိစေဖို့ဖြစ်နိုင်သော်လည်း ၊ အဂတိလိုက်စားမှုတိုက်ဖျက်ရေးဆိုသည် က အနှစ် ၂၀ မက ရေရှည်လုပ်ဆောင်ရသောလုပ်ငန်းမျိုးဖြစ်နေတတ် သည်။ ပညာရေးပြုပြင်ပြောင်းလဲမှုကို ယခုစတင်ပါမှ နောင်၁၀နှစ် ကျော်ကြာလျှင် အရည်အချင်းရှိသော အထက်တန်းကျောင်းသားများကို တွေ့မြင်နိုင်မည် ။ အားလုံးစဉ်းစားကြဖို.ဖြစ်ပါသည်။ တိုက်ပွဲဝင်ဖို့အော်ဟစ်ခြင်းမှာ လွယ်ကူသော်လည်း အောင်မြင်မှုရရန်မူကား အလွန်ခက်ခဲပါသည် ။
         
          ယခုကာလတွင် စကားများမနေကြပဲ အသေအကြေလုပ်နိုင်ပါ မှ နောင်အနှစ် ၂၀ ကြာလျှင် နိုင်ငံရေးမျိုးဆက်တစ်ခုကို မွေးဖွားပေး နိုင်လိမ့်မည်ဖြစ်ပါသည် ။

          စာရေးသူတို့ကြိုးပမ်းနေသော ကိစ္စမှာ ဒီမိုကရေစီရရှိရေးကြိုး ပမ်းမှုထက် ၊ ဒီမိုကရေစီရရှိရေး ကြိုးပမ်းနိုင်မည့် နိုင်ငံရေးမျိုးဆက်သစ် တစ်ခုအားမွေးထုတ်ပေးနိုင်ရေးသာလျှင် ဖြစ်ပါသည် ။ နိုင်ငံရေးမျိုးဆက်တစ်ခု ပေါ်ထွက်လာရေး (သို့) မွေးထုတ်ပေးနိုင်ရေးမှာ လွယ်ကူသောကိစ္စတစ် ခုမဟုတ်ပါ။ ဤသည်ကို အနှစ် ၂၀ ကျော်ခန့်အနည်းဆုံးဖြစ်သန်းခဲ့ဘူးသော နိုင်ငံရေးလုပ်သူတိုင်းသိရှိပါသည် ။

          ပြာပုံဘ၀မှ မိုးပေါ်ရောက်သည်ဆိုသော နိုင်ငံများမှာ ဂျာမဏီ နှင့် ဂျပန်တို့ကဲ့သို့ နဂိုလ်ရှိရင်းစွဲနိုင်ငံများ အဖို့သာဖြစ်နိုင်ပါ၏ ။ရှိရင်းစွဲမရှိသော နိုင်ငံများမှာ ပြာပုံထဲ မှခုန်ထွက်လျှင် ပြာပုံဘေးသာ ရောက်နိုင်ပါသည် ။ သယံဇာတဆိုသည်မှာ ရောင်းစားဖန်များလျှင် ကုန်တတ်ပါသည် ။

Thursday, July 8, 2010

ပါတီဖွဲ.စည်းတည်ထောင်ခြင်းကြေငြာချက်


Party Statement -

Wednesday, July 7, 2010

Monday, July 5, 2010

ပါတီဥက္ကဌ ဦးကောင်းမြင့်ထွဋ်နှင့် Myanmar Time Journal အင်တာဗျူး


Kaung and MM time -

Sunday, July 4, 2010

ပဉ္စမမြောက် ကြေငြာချက်


                                                                ( မြို.မကျောင်းသား )        

    တောင်းဆိုကြေငြာ ချက်များအား စစ်အစိုးရ သည် မည်သည်.အခါတွင်မျှ အကောင်အထည် ဖေါ်ပေးလေ့မရှိ။ သို.သော်လည်းတောင်း ဆိုချက်များကတော့တွင်တွင်ကြီးထွက်ပေါ်လာ လေ့ရှိသည် ။ ကြာလာတော့ တောင်းဆိုချက်များကို ဘယ်တော့မှ လိုက်လျှောမည် မဟုတ်ကြောင်းပြည်သူများကလည်း သိလာ၏ ။ မီဒီယာများကလည်းသိလာ၏ ။ နောက်ဆုံး တောင်းဆိုသူ များကိုယ်တိုင် ကလည်း သိလာ၏ ။

        တောင်းဆိုချက်များ ထုပ်ပြန်လျှင် မီဒီယာများကလည်း တောင်းဆိုချက်များမရလျှင် ဘာလုပ်မည်လည်း ဟုလှည်.ပတ်ပြီးမေး၏ ဖြေသူများကလည်း ထိုမေးခွန်းကို ဖြေရဖန် များ၍ လွန်စွာ ကျွမ်းကျင် နေကြပြီ ။
         
          အမှန်တရား အတိုင်းဆောင်ရွက်ပေး ရန် အစဉ်တစ်စိုက် တောင်းဆိုရမည် ဖြစ်သော်လည်း ဘာမှ လုပ်မပေး နိုင်မှန်း သိလျှက် နှင့် သမိုင်းတစ်ဖြတ်စာ အနှစ် ၂၀ ကျော် အစိတ်လောက် တောင်းဆို ရုံသက်သက်ကတော့ လွန်ကဲသောကိစ္စအဖြစ် သမိုင်းတွင်ကျန် ရစ်မည် သာဖြစ်၏ ။

ကြေငြာချက် သုံးမျိုး

          ကြေငြာချက်များကို လေ့လာမိသမျှ ၃ မျိုး ရှိလေ၏ ။ တစ်မျိုး ကရုံးခန်းတွင်းမှ ကြေငြာချက်ထုပ်ခြင်း ဖြစ်၏ ။ ရုံးခန်းထဲတွင် အစည်း အဝေး ထိုင် ၊ ကြေငြာချက်ထုပ် ၊ ထိုကြေငြာချက်အား မီဒီယာ နှင့် အင်တာဗျူး ကပ်သီးကပ်သပ် မေးခွန်းများအားလှည်.ပတ်ဖြေ ဒါကတစ် နည်းဖြစ်၏ ။

          နောက်တစ်မျိုးက လမ်းမပေါ်ထွက်၍ ကြေငြာချက်ထုပ် ခြင်းဖြစ်၏ ။ ရုံးခန်းတွင်းမှ ကြေငြာချက်ထုပ်သူများ ကို အားမရ သော တက်ကြွသူများက လမ်းမပေါ်ထွက်၍ ဆန္ဒပြကြ၏ ၊ ကြေငြာချက်ထုပ်၏ ၊ မီဒီယာများနှင့် အင်တာဗျူးသည် တောင်းဆိုချက် များ မရမခြင်း တိုက်ပွဲဝင်မည် ဟု မီဒီယာမှတစ်ဆင့် ပြည်သူကို  ဂတိပေး၏  ပြီးတော့ထောင်ထဲသွားကြသည် ။ ဒါက ဒုတိယ နည်းဖြစ် ၏ ခက်ခဲသော နိုင်ငံရေးစွန်းစားမှုဖြစ် ၏ ။ အလေးပြုထိုက်၏ ။

          တတိယနည်း ကတော့ လွတ်မြောက်နယ်မြေမှ ကြေငြာချက် များဖြစ်သည် ။ လွတ်မြောက်နယ်မြေဆိုမှတော့ အန္တရယ်နှင့်အလှမ်း ဝေး ၏ အဖမ်းအဆီးကဝေ လာဝေး တောင်းဆိုချက် တစ်ခုမရလျှင် နောက်ထပ် တောင်းဆိုချက် တစ်ခုအတွက်ပြင်ဆင်ရ သောအလုပ်သာ လျှင်ရှိ၏ ။ သူတို. ကရဲရဲတောက်အပြောဆုံးဖြစ်သည် ။

          စတုတ္ထမြောက်ကြေငြာချက်များကတော့ ထွန်းကားစပြုနေပြီ ကိုယ့်အခြင်းခြင်း ဒုက္ခပေးသော ကြေငြာချက်များဖြစ်၏ ။ NLD နှင့်  NDF  တို.၏ ခမောက်လုပွဲ ကြေငြာချက်မျိုးဖြစ်သည် ။ တိုင်းပြည်၏ အင်မတန် အရေးကြီးသော အချိန်တွင် တိုင်းရေးပြည်ရေးဘာလုပ်မလဲ မဆွေးနွေး မတိုင်ပင်ကြပဲ ခမောက်တစ်လုံးအတွက် ရွေးကောက်ပွဲ ကော်မရှင်ကို တရားသူကြီး လုပ်ခိုင်းနေကြ၏ ။ အနှစ် ၂၀ ကျော် လက်တွဲ အလုပ် လုပ် လာခဲ့သော လူကြီးများ သဲကြီးမဲကြီး တိုက်ပွဲဝင် နေကြပြီ ။

         နောက်ဆုံးဖြစ်နိုင်ဖွယ်ရှိသော ကြေငြာချက်ကတော့ ကျွန်တော်တို.အားလုံးမှားသွားပါတယ်ဟူသော ပဉ္စမ မြောက် ကြေငြာချက် ဖြစ်ဖို.ရှိ၏ ။

Saturday, July 3, 2010

ရွေးကောက်ပွဲ ၀င်နိုင်ငံရေးပြဿနာများ


တိုင်းပြည်ဘဏ္ဍာငွေဖြင့်မဲဆွယ်ခြင်း        ( မောင်ထူးဆန်း ) 


          မည်သည်.နိုင်ငံ ဘတ်ဂျက်မှလောက်ငှ သည်မရှိ ။ အစိုးရဌာန တိုင်းမှ လည်းအသုံးစရိတ်ကို အမြဲ တန်းတိုး၍သာလျှင် တောင်းဆို နေ၏ ။ ပြည်သူများမှလည်း သူတို.၏ နိုင်ငံသားတစ်ယောက်ရရန်ပိုင် ခွင့်ကို တိုး ၍သာလျှင်တောင်းဆိုသောကာလသည် ယခုကာလ မည်၏ ။ ကျန်းမာရေးစောင့်ရှောက်မှု ၊ ပညာရေးဝန်ဆောင်မှု ၊ သက်ကြီး ရွယ် အိုများရံပုံငွေ ၊ ကလေးများအတွက်ထောက်ပံ့ငွေ ၊ အမျိုးသမီးများ တစ်နှစ်ခန်.လစာအပြည်.ဖြင့်မီးဖွားခွင့် ၊ ကလေး ထိန်းဌာန ၀န်ဆောင်မှု ၊ လူတိုင်းအိမ်ယာ ပိုင်ဆိုင်ခွင့်ရရှိရေး စသည်ဖြင့် ပိုက်ဆံတို.က ဘယ်တော့မှ လောက်ငှသည်မရှိ အမြဲတောင်းဆိုနေတတ်ကြသည် ။ ဆိုလိုသည်မှာ မိမိ တိုင်းပြည်အတွက်မှလွဲ၍ မည်သူ.အတွက်မှ ပေးစရာမရှိ ။ နိုင်ငံကြီးများအတွက်ဆိုလျှင် စစ်အသုံးစရိတ် ၊ အာကာသအသုံးစရိတ် ၊ ထောက်လှမ်းရေးနှင့် သူလျှို စပိုင်အသုံးစရိတ်များက ထိပ်တန်းမှ ပါလိုက်သေး၏ ။ တိုင်းပြည်၏ စီးပွားရေးမူဝါဒ များသည် စီးပွားရေးမူဝါ ဒ သက်သက်မဟုတ်တော့ပဲ တိုင်းပြည်၏ အခွန်ဘဏ္ဍာကို အချိုးကျခွဲဝေရေး သာလျှင်ဖြစ်နေတော့၏ ။
         
          တကယ်တန်းဆုံးရှုံးမည်က တိုင်းပြည်ဘဏ္ဍာငွေနှင့် ပညာရှင်တို.၏ အကြံဥာဏ်များဖြစ်လာပေမည် ။ ဆိုလိုခြင်သည်မှာ တိုင်းပြည် တကယ်ဖွံ.ဖြိုးတိုးတက်လာခြင်းမရှိသော မဲရရုံသက်သက် ဘဏ္ဍာရေး အသုံး စရိတ်များကို ပြည်သူများ သည်းခြေကြိုက် မသွားရေးဖြစ်သည် ။
         
          ဒုတိယကမ္ဘာစစ် နောက်ပိုင်း ဥရောပတစ်လွှားရှိ ဒီမိုကရေစီနိုင်ငံများ အားလုံး  ( Welfare State ) များဖြစ်ကုန်ကြတော့၏ ။ လူထုက လက်ဝဲလက်ယာ ဘာမှမသိ ၊ သိပ်လည်း စဉ်းစားမနေ လူမှုဖူလုံရေးများ များပေးမည်ဟုဆိုသော လက်ဝဲယိမ်းပါတီများ ၊ လေဘာပါတီများ ၊ ဆိုရှယ်ဒီမိုကရက်များအား မဲထဲ့လိုက်ကြ တော့သည် ။
         
          ဤအချက်များကား လွန်စွာအရေးကြီး၏ နိုင်ငံရေးပါတီတစ်ရပ်သည် မည်သည်.စီးပွားရေးဆိုင်ရာ ( သို. ) ငွေကြေးဆိုင်ရာ မူဝါဒကို ချမှတ်လိုက်လျှင် တိုင်းပြည်ရှေ.ရေး မည်သို.ဖြစ်မည် ၊ ရွေးကောက်ပွဲ နိုင်မည် ( သို. ) ရှုံးမည် ၊ စီးပွားရေး တိုးတက်မည် ဆုတ်ယုတ်မည်ကိုသိနိုင်စွမ်းရ၏ ။ နိုင်ငံရေးပါတီ အများ စုကတော့ ရွေးကောက်ပွဲ နိုင်မည်.မူဝါဒများ ကိုသာချမှတ်လေ့ရှိပါသည် ။ တိုင်းရေးပြည်ရေးကိုနောက်ချန် ထားလေ့ရှိကြ၏ ။ ဤ သည်ကိုပြည်သူများက သတိထားမိလေ့မရှိကြ အချို.ပညာတတ်များနှင့်ပညာရှင်များ ပင်လျှင် မျက်စေ့လည် တတ်သည် ။

          ထိုင်းနိုင်ငံတွင် ၀န်ကြီးချုပ်သက်ဆင်လက်ထက်က ကျေးရွာများအား ဘတ် တစ်သန်းထောက်ပံ့ မည်ဟုမဲဆွယ်၏ ။ ထိုင်းတစ်နိုင်ငံလုံး ကျေးရွာများ ထောင်နှင့်ချီ ရှိသဖြင့် တိုင်းပြည်၏ ဘဏ္ဍာငွေ ဘတ် သန်းထောင်ပေါင်းများစွာ ကို ရွေးကောက်ပွဲ အသုံးစရိတ်အဖြစ် အသုံးချလိုက်ခြင်းဖြစ်တော့သည် ။ တိုင်းပြည် ၏ ဘတ်ဂျက်ကို မဲဆွယ်ပွဲအတွက် သုံးပစ်သော သက်ဆင် ၏ မူဝါဒကိုလူကြိုက်များခဲ.သည် ၊ လက်ရှိ ရှပ်နီ လှုပ်ရှားမှုများက ထိုမူဝါဒ ၏ အကျိုးဆက်သာလျှင်ဖြစ်သည်ဆိုက မမှားနိုင်ပေ ။

          ကျွန်ုပ်တို.စိုးရိမ်သည်က လူလယ်နိုင်ငံရေးသမားများ၏ ပေါ်ပင် ရဲရဲတောက် မူဝါဒများကို တိမ်း ညွတ်မသွားစေ ရေးဖြစ်၏ ။ ပြည်သူအားမက်လုံးများပေး၍ အာဏာရလာသော အခါတွင်လည်း ထိုမက်လုံး များကို အကောင်အထည်ဖေါ်ပေးခြင်းဖြင့် အာဏာသက်ဆိုးရှည်အောင်လုပ်မည့် နိုင်ငံရေးပါတီများ ကိုသ တိထားဖို.ဖြစ်သည် ။ တကယ်တန်းဆုံးရှုံးမည်က တိုင်းပြည်ဘဏ္ဍာငွေများ သာလျှင်ဖြစ်၏ ။ အာဏာမရ သောနိုင်ငံရေးသမားများမှလည်း အာဏာရပါတီအား အင်အားချိနဲ.ယုံသက်သက် ၀ါဒဖြန်.ခြင်းမျိုးသာ လုပ်ဆောင်၍ ပြည်သူအား ရဲရဲ တောက် မိန်.ခွန်းများပြောသည့် တိုင်းပြည်အတွက် အရေ မရအဖတ်မရသော နိုင်ငံရေးစနစ်တစ်ရပ် ထွန်းကားလာမှာကိုဖြစ်၏ ။


ဆရာမောင်စူးစမ်း၏ နိုင်ငံရေးသုံးသပ်ချက်


MG SU SAN 1 -