..
ကျွန်ုပ်တို.ပါတီက ယခုပါတီရဲ့ ဘလောက်စာမျက်နှာမှာ ( ၂၀-၃-၂၀၁၁) နေ.စွဲနဲ. မြန်မာ့လယ်ယာတိုးတက်ရေးအတွက် အကြံပြုချက်များထဲမှာ ပြည်ပကို ခိုင်းကျွဲ၊ ခိုင်း နွား အရှင်တင်ပို.မှုများ ဥပဒေဖြင့်တားဆီးသင့်ကြောင်းဖေါ်ပြခဲ့ဘူးပါတယ်။ ယခုအခါ မြန်မာနိုင်ငံမွေး မြူရေးအဖွဲ.ချုပ်မှ နွားအရှင်များ ဟာ အများအားဖြင့် ခိုင်းကျွဲ၊ ခိုင်းနွားများသာဖြစ်လေ့ရှိတဲ့အတွက် ပြည်ပတင်ပို.ခွင့်ပိတ်ပင်ထားကြောင်း(၁၀-၈-၂၀၁၁) Weekly Eleven ဂျာနယ်မှာဖေါ်ပြပါရှိခဲ့ပါတယ်။
မိမိတို.ပါတီရဲ့တောင်းဆိုချက်နဲ. ဆက်စပ်တယ် မဆက်စပ်ဘူး ဆိုတာ တတ်အပ်တော့မပြောနိုင်ပေမယ်. ပြည်ပသို. ကျွဲ နွားအရှင်များ တင်ပို.မှုပိတ်ပင်ခြင်းကိုတော့ ကျွန်ုပ်တို.ပါတီမှ ကြိုဆိုလိုက်ပါတယ်။
ကျွန်ုပ်တို. ပါတီရဲ့ရည်မှန်းချက်က တိုင်းပြည်ရဲ့ နိုင်ငံရေး၊ လူမှုရေး၊ စီးပွားရေး၊ ပညာရေး စသည်ဖြင့် နယ်ပယ်ပေါင်း စုံမှာ တတ်နိုင်သမျှ မြန်မြန် ပြုပြင်ပြောင်းလဲသွားစေဖို. ရည်ရွယ်တာဖြစ်ပါတယ်။ ဒါကို ကျွန်ုပ် တို.နိုင်ငံရေးပါတီတစ်ခုတည်းက ဆောင်ရွက်ရုံနဲ.တော့မရနိုင်ပါဘူး၊ ပါတီတိုင်းမှာ အဖွဲ.အစည်းတိုင်းမှာ ၊ ပညာရှင်တိုင်းမှာ မတူညီတဲ့ အမြင်များနဲ. တိုင်းပြည်အရေး ဆွေးနွေးစရာ အများအပြား ရှိမယ်ဖြစ်ပါတယ်။
တော်လှန်ရေးကြီးပြီးတော့မှ တိုင်းပြည်ကောင်းစားရေးဆက်လုပ်မယ်ဆိုတဲ့ အယူအဆဟာ ၂၁ ရာစု မှာ ကျင့်သုံးရမယ့် နိုင်ငံရေးအတွေးအခေါ်တစ်ရပ်မဟုတ်တော့ပါဘူး။
တိုင်းပြည်ကောင်းစားရေးကိုပဲ လုပ်ပြီး ဒီမိုကရေစီရေးကို မျက်ကွယ်ပြုတယ်ဆိုတာ ကလည်း ၂၁ ရာစု ရဲ့ နိုင်ငံရေး အတွေးအခေါ်တစ်ရပ်မဟုတ်ပါဘူး။
သိသာတဲ့ ကောင်းကျိုးတွေပြည်သူအများခံစားရပြီး လူ.အခွင့်အရေး စံချိန် စံညွှန်းတွေ တိုးတက်လာစေရေး အတွက် အားလုံးက ၀ိုင်းဝန်းဆောင်ရွက်ရမှာဖြစ်ပါတယ်။
နိုင်ငံရေးလုပ်ရာမှာ မိမိတို.ရဲ့မူဝါဒ တစ်ခုအောင်မြင်နိုင်ဖို.အတွက် လွန်စွာခက်ခဲပါတယ်။ အထူးသဖြင့်တော့ ခေတ်ကာ လအလျှောက် အများလက်ခံဖို.ခက်ခဲတဲ့အယူအဆ၊ မူဝါဒများ အောင်မြင်ဖို.က ပိုမိုခက်ခဲလေ့ရှိပါတယ်။ ကျွန်ုပ်တို.ပါတီကတော့ ရွေးကောက်ပွဲဝင်နိုင်ငံရေး မှာ ပါဝင်ဖို. အယူအဆကို အများကန်.ကွက်တဲ့ကြားက ရဲဝံ့စွာတင်ပြနေတာဖြစ်ပါတယ်။
တစ်ပြိုင်တည်းမှာပဲ တိုင်းပြည်မှာ လိုအပ်နေတဲ့ပြုပြင်ပြောင်းလဲမှုများကိုလည်း တင်ပြလျှက်ရှိပါတယ်။ ပြည်သူ အများမှ ကျွန်ုပ်တို.၏ မူဝါဒများကိုလေ့လာပြီး ဝေဖန်မှု လေ့လာမှုများ ဖြင့် တုန်.ပြန်ကြဖို.ဖိတ်ခေါ်အပ်ပါတယ်။
..
No comments:
Post a Comment