| Sunday, 01 January 2012 14:22 |
  ထိုင်းနိုင်ငံ ရယောင်ပြည်နယ် မက်တဖွတ်စက်မှုဇုန်ရှိ ကျောက်မီးသွေးသုံးဓာတ်အားပေးစက်ရုံကို တွေ့ရစဉ် မြန်မာနိုင်ငံ၌ ကျောက်မီးသွေးအဓိက ထွက်ရှိရာ နေရာ ၁၆နေရာရှိပြီး တန်ချိန်သန်းပေါင်း ၂၇၀ကျော် တည်ရှိနေကြောင်း သတင်းရရှိပါသည်။ မြန်မာနိုင်ငံတွင် ကျောက်မီးသွေးအဓိက ထွက်ရှိရာနေရာများသည် ကချင်ပြည်နယ်၊ စစ်ကိုင်းတိုင်းဒေသကြီး၊ ရှမ်းပြည်နယ်၊ မကွေးတိုင်းဒေသကြီး၊ တနင်္သာရီတိုင်းဒေသကြီးတို့ဖြစ်ပြီး အဓိကအားဖြင့် မြန်မာနိုင်ငံ အထက်ပိုင်း ဒေသတွင် တည်ရှိနေသည်။ စစ်ကိုင်းတိုင်း ဒေသကြီးကလေးဝ - မော်လိုက်ရှိ ပလူဇာဝါ/ချောင်းဆုံတွင်တည်ရှိမှု တန်သန်းပေါင်း ၈၉ သန်း၊ ကလေးဝတွင် ၈၇ဒသမ ၇၈ သန်း၊ တမူးရှိ ဓားသွေးကျောက်တွင် ၃၃ ဒသမ ၉၁ သန်း၊ကန္နီရှိ မဟူတောင်တွင် ၀ ဒသမ ၈၀သန်း၊ မကွေးတိုင်းဒေသကြီး နတ်မောက်ရှိ ကျောက်တံခါးတွင် ၀ဒသမ ၅၄ သန်း၊ ပေါင်မြို့ရှိ မြန်နီတွင် ၀ ဒသမ ၂၅ သန်း၊ စစ်ကိုင်းတိုင်း ဒေသကြီး ခင်ဦးရှိ သင်းပေါင်တွင် ၀ ဒသမ ၀၈ သန်း၊ ကောလင်းရှိ ကြို့ပင်တွင် ၀ ဒသမ ၀၃ သန်း၊ရှမ်းပြည်နယ် ပင်လောင်းရှိ တီကျစ်တွင် ၂၀ ဒသမ ၂၀ သန်း၊ ကျေးသီးမံစံတွင် ၃၇ ဒသမ ၀၀ သန်း၊ လားရှိုးရှိ နမ္မတွင် ၂ ဒသမ ၈၀ သန်း၊သီပေါရှိ ဆန်လောင်တွင် ၁ ဒသမ၆၀ သန်း၊ ကလောရှိ အင်းပင်တွင် ၀ ဒသမ ၂၂ သန်း၊ တနင်္သာရီတိုင်းဒေသကြီး တနင်္သာရီရှိ မော့တောင်တွင် ၃ ဒသမ ၆၀ သန်း၊ သိမ်တောတွင် ၂ ဒသမ ၀၀ သန်းနှင့် ကချင်ပြည်နယ် မိုးမောက်ရှိလွယ်ဂျယ်တွင်တန်သန်းပေါင်း အမြောက်အမြားတည်ရှိနေသည်ဟု သိရှိရသည်။ ကျောက်မီးသွေး သတ္တုတွင်း စီမံကိန်းများကို သတ္တုတွင်းဝန်ကြီးဌာနလက်အောက်ရှိ အမှတ်(၃)သတ္တုတွင်း လုပ်ငန်းဌာနက လုပ်ကိုင်နေပြီး ပြည်တွင်း၊ ပြည်ပကုမ္ပဏီများနှင့် ဖက်စပ်လုပ်ကိုင်သည်ဟု သိရှိရသည်။ ၂၀၁၁ ခုနှစ်တွင် ကျောက်မီးသွေးသတ္တုတွင်းလုပ်ငန်းများကိုနိုင်ငံတော်ပိုင်အနေဖြင့် ၂ ဒသမ ၈ရာ ခိုင်နှုန်း၊ ဖက်စပ်လုပ်ငန်းများဖြင့်၄၃ ဒသမ ၈၇ ရာခိုင်နှုန်း၊ ပြည်တွင်းကုမ္ပဏီများက ၅၃ ဒသမ ၃၂ ရာခိုင်နှုန်းကိုထုတ်လုပ်မည်ဟုသတ္တုတွင်းဝန်ကြီးဌာနကဖော်ပြခဲ့ကြောင်း လေ့လာသိရှိထားသူတစ်ဦးကပြောကြားခဲ့သည်။ နိုင်ငံခြားကုမ္ပဏီများနှင့် ဖက်စပ်လုပ်ကိုင်သည့် လုပ်ငန်းများတွင်အိမ်နီးချင်းနိုင်ငံများသို့ ကျောက်မီးသွေးတင်ပို့ခြင်း ပါဝင်နေပြီး ထိုင်းနိုင်ငံသည် မြန်မာနိုင်ငံမှ ကျောက်မီးသွေးအများဆုံး တင်သွင်းနေသောနိုင်ငံဖြစ်သည်ဟုသိရသည်။ |
Tuesday, January 3, 2012
မြန်မာ့ကျောက်မီးသွေးထွက်ရှိမှု သတင်းပေါ်ထွက်လာပြီ
Subscribe to:
Post Comments (Atom)
No comments:
Post a Comment